Transcript
Meddygon Iau
Prif Nyrs Selina Trueman
Mae'n brysur iawn, mae'n eithaf hectig, gan fod yr holl feddygon newydd wedi cyrraedd ac nad yw'r pethau sylfaenol wedi cael eu haddysgu iddynt megis sut i lenwi siartiau cyffuriau, ble y caiff pethau eu cadw, sut y dylid atgyfeirio pobl, felly mae cryn dipyn o amser yn cael ei dreulio wrth i ni fynd ar eu holau gan ddangos iddynt yn union beth y mae angen i ni ei wneud, felly caiff y rhan helaeth o'r wythnos hon mewn gwirionedd ei threulio yn troi at y meddyg ac yn dweud wel, mae angen llenwi hwn, a dyma sut y dylid ei lenwi, fel hyn, hyn a hyn plîs. Ond credaf ar yr un pryd eu bod yn eithaf bodlon bod hynny'n digwydd gan eu bod wedyn yn dysgu'r ffordd iawn o wneud pethau.
Adroddwr
A oes unrhyw un erioed wedi egluro sut i ddefnyddio'r holl bethau hyn?
Meddyg dan Hyfforddiant Benywaidd
Naddo, naddo, ond dyma sut y mae hi, yn ôl pob tebyg, mae fel cyrraedd mewn maes awyr, lle nad ydych yn siarad yr iaith ac nad oes unrhyw arwyddion mewn iaith nac mewn llythrennau y gallwch eu siarad.
Prif Nyrs Selina Trueman
Dim ond ychydig ddiwrnodau y mae'n ei gymryd iddynt setlo, tuag wythnos, ac wythnos o uffern, ie, dyna rydym yn ei ddweud bob tro, gofynnwch sut wythnos ydyw ac wythnos o uffern yw'r ateb a gewch ganddyn nhw hefyd rwy'n siŵr, ond, a dweud y gwir, yr hyn a ddywedaf wrth bobl a'r hyn a ddywedaf wrth bob meddyg newydd sy'n cyrraedd, gwnaf yn siŵr fy mod yn cyflwyno fy hun, ac os oes unrhyw broblemau ganddynt neu os ydynt am wybod unrhyw beth, ni waeth pa mor wirion yw'r peth hwnnw yn eu barn hwy, yna rwyf yno i'w helpu oherwydd credaf ei fod yn sefyllfa frawychus, gall nyrsys fod yn frawychus, oherwydd credaf ei bod yn ymddangos fel petaem yn gwybod yn union beth rydym yn ei wneud a'u bod nhw yn teimlo nad ydynt yn gwybod beth y maent yn ei wneud.