3 Paratoi i ddechrau eich swydd newydd

Gall paratoi ar gyfer eich diwrnod cyntaf mewn unrhyw weithle fod yn hynod anodd, ac mae hynny'r un mor wir yn achos gweithle hybrid. Heb wybod yn union beth i'w ddisgwyl, y dull gorau o weithredu yw sicrhau eich bod wedi gwneud popeth posibl i sicrhau trosglwyddiad llyfn a di-straen.

Mewn astudiaeth bwysig o 29 o wledydd Ewropeaidd yn ystod pandemig COVID-19, canfuwyd mai tri chyfyngiad mawr gweithio o bell oedd:

• cyfyngiadau'r swyddfa gartref,

• ansicrwydd gwaith, ac

• offer annigonol.

(Ipsen et al., 2021).

Mae'r rhain i gyd yn feysydd y dylech feddwl amdanynt cyn i chi ddechrau ar eich rôl newydd. Yn y fideos canlynol byddwch yn clywed gan Ploy a Zainab yn iungo Solutions eto, y tro hwn yn trafod ystyriaethau pwysig mewn perthynas ag ymddygiad, diwylliant, cefnogaeth a gweithleoedd mewn sefydliadau pell neu hybrid-gyntaf.