7.1 Nodweddion gwarchodedig: mynd i'r afael â gwahaniaethu
Fel y soniwyd yn yr adran flaenorol, mae Deddf Cydraddoldeb 2010 yn nodi naw maes o'r enw 'nodweddion gwarchodedig'. Bydd adran nesaf y cwrs yn archwilio agweddau ar rai o'r rhain (anabledd), ond o ran gwahaniaethu, mae gan ddau sefydliad yn y DU lu o adnoddau a chyfeiriadau ar bob un o'r nodweddion gwarchodedig:
- y Gwasanaeth Cynghori, Cymodi a Chyflafareddu (ACAS), corff cyhoeddus annibynnol sy'n cael cyllid gan y llywodraeth i weithio gyda chyflogwyr a gweithwyr i wella perthnasoedd yn y gweithle
- y sefydliad Siartredig Personél a Datblygu (CIPD), corff proffesiynol y DU ar gyfer adnoddau dynol a datblygiad pobl.
Gweithgaredd 15 Archwilio adnoddau gwrth-wahaniaethu
Dilynwch y dolenni at bob un o'r adnoddau isod am drosolwg o'r nodweddion gwarchodedig a nodir yn Neddf Cydraddoldeb 2010.
- oedran [Tip: daliwch Ctrl a chliciwch dolen i'w agor mewn tab newydd. (Cuddio tip)] (CIPD)
- anabledd (CIPD)
- cydraddoldeb rhywedd (gwahaniaethu ar sail rhyw) (CIPD)
- statws priodasol neu bartneriaeth sifil (Undeb Cenedlaethol y Newyddiadurwyr (NUJ): mae adroddiad gan ACAS ar y pwnc hwn, ond mae'n ffeil PDF â 30 tudalen iddi)
- beichiogrwydd a mamolaeth (ACAS)
- hil (CIPD)
- crefydd a chredo (CIPD)
- cyfeiriadedd rhywiol, hunaniaeth rhywedd ac ail-bennu rhywedd (CIPD).
Dylech dreulio o leiaf 10 munud ar bob nodwedd, ond os ydych yn dymuno treulio mwy o amser yn ymchwilio i'r pwnc hwn, mae adnoddau ychwanegol gan y CIPD ac adnoddau o ffynonellau allanol ar waelod pob tudalen.
Mae sgyrsiau sy'n ymwneud â nodwedd warchodedig yn gofyn am agwedd sensitif ac empathig. Yn aml, mae’r rhain yn cynnwys sefyllfaoedd nad yw’r person efallai’n teimlo’n gyfforddus yn eu trafod, neu bryderon posibl y mae’n dymuno eu codi am ymagwedd y sefydliad. Mae llawer o sefydliadau yn dod yn fwy ymwybodol ac mae ganddynt rwydweithiau priodol ar waith i gefnogi gweithwyr a rheolwyr llinell i ddechrau cael gwell sgyrsiau.