8.2 Llunio diwylliant sy’n cael ei yrru gan ddata

Mae Cenhadaeth 6: data a chydweithredu strategaeth ddigidol i Gymru, yn nodi:

Mae data a gwybodaeth yn ganolog i sefydliadau wrth weithredu a datblygu, a gallant fod yn un o’u hasedau mwyaf gwerthfawr. Mae data a gwybodaeth yn gadael i chi ddadansoddi eich sefydliad i wneud penderfyniadau, dynodi anghenion, olrhain llesiant eich gweithlu a rhoi tystiolaeth o ran amcanion/targedau ar gyfer rhanddeiliaid mewnol ac allanol.

I ddata gael ei ddefnyddio’n effeithiol mewn sefydliad mae’n synhwyrol datblygu diwylliant data. Mae’r ffigwr isod yn dangos y pum cam wnaiff arwain at ddiwylliant sy’n cael ei yrru gan ddata, lle mae data yn dod yn ganolog ar draws y sefydliad.

Maximise

Ffigwr 31: Pum cam tuag at ddiwylliant sy’n cael ei yrru gan ddata

Dangos disgrifiad|Cuddio disgrifiad

Delweddau’n dangos y pum cam tuag at ddiwylliant sy’n cael ei yrru gan ddata 1. Gwadu data – Sefydliad yn cychwyn gyda diffyg ffydd mewn data a ddim yn ei ddefnyddio. 2. Dihidrwydd at ddata – Cwmni heb unrhyw ddiddordeb a yw data yn cael ei gasglu na’i ddefnyddio. 3. Ymwybodol o ddata – Busnes yn casglu data ac efallai’n ei ddefnyddio i fonitro, ond nid yw’n seilio penderfyniadau arno. 4. Gweithredu ar sail data – Rheolwyr yn defnyddio data yn ddethol i gynorthwyo wrth wneud penderfyniadau. 5. Gyrru gan ddata – Data yn chwarae rhan ganolog mewn cymaint o benderfyniadau â phosibl ar draws y sefydliad.

Ffigwr 31: Pum cam tuag at ddiwylliant sy’n cael ei yrru gan ddata

Rhaid i fframwaith llywodraethu data da gael ei roi yn ei le. Mae llywodraethu data yn ofyn hanfodol i unrhyw sefydliad gan ei fod yn rhoi sail i’r holl reoli data ac yn sicrhau bod gan sefydliadau bolisïau a phrosesau yn eu lle i fodloni eu cyfrifoldebau data cyfreithiol, fel y Rheoliad Diogelu Data Cyffredinol (GDPR). Dylai llywodraethu data gyd-fynd â strategaethau sefydliadol. Mae’r cwrs Gweithio Hybrid: Sgiliau ar gyfer Trawsnewid Digidol yn archwilio llywodraethu digidol yn fwy manwl. Gallwch ddod o hyd i'r cwrs yma: Cefnogi gweithio hybrid yng Nghymru [Tip: daliwch Ctrl a chliciwch dolen i'w agor mewn tab newydd. (Cuddio tip)]

Er mwyn datblygu diwylliant yn cael ei yrru gan ddata, mae rheoli data a gwybodaeth, yn neilltuol mewn amgylcheddau hybrid, yn gofyn am bolisïau a phrosesau clir, i sicrhau y gellir cael mynediad ato, ei fod yn cael ei gadw’n ddiogel ac yn cynnwys y metadata i sicrhau cydymffurfio a galluogi parhad busnes effeithiol.