RSS feed for Astudio’r gwyddorau naturiol yn ddwyieithog

Astudio’r gwyddorau naturiol yn ddwyieithog

The Open University — Tue, 10 Sep 2019 23:00:00 GMT

Meddwl am astudio cwrs yn y gwyddorau naturiol? Ystyried astudio trwy’r Gymraeg ac eisiau gwybod beth yw’r manteision? Dim yn siŵr os ydy eich Cymraeg yn ddigon da? Os ydych chi’n darllen yr erthygl hon, digon tebyg fod y cwestiynau hyn wedi codi yn eich meddwl. Pwrpas yr erthygl hon yw ateb y cwestiynau hyn, a dangos sut gallai astudio’r gwyddorau naturiol drwy’r Gymraeg gwella eich profiad addysg uwch a gwella eich cyfleoedd gwaith yn y dyfodol.

Beth yw’r manteision o astudio drwy’r Gymraeg?

The Open University — Tue, 10 Sep 2019 23:00:00 GMT

Clywch gan athro:

Download this video clip.Video player: Athro >

Athro

Skip transcript: Athro

Transcript: Athro

Mae astudio’r gwyddorau naturiol drwy gyfrwng y Gymraeg yn beth hynod o bwysig a hynod o werthfawr i chi fel gwyddonwr oherwydd yn aml iawn mae’r gwyddorau naturiol yn ymwneud a rheoli’r amgylchedd ac adnoddau naturiol – ac felly mae’r gallu i gyfathrebu materion gwyddonol sydd aml iawn yn reit gymhleth a thechnegol gydag amryw o wahanol bobl o wahanol ddiwydiannau yn beth bwysig iawn i wneud yn siwr bod polisïau amgylcheddol yn cael eu cynorthwyo, yn enwedig gan y cyhoedd a gan y llywodraeth.

Mae astudio gwyddorau naturiol yn y Gymraeg hefyd yn golygu gwell cyfleoedd yn y byd gwaith oherwydd os ydych chi yn medru dangos eich bod chi hefo’r gallu i gyfathrebu un ai yn ysgrifenedig neu ar lafar drwy’r Gymraeg, a hynny amdan pwnc sy’n reit technegol a chymhleth – i gyflogwyr, mae’n beth deniadol iawn, a dyddiau yma mae gael rhywbeth sy’n wneud I chi sefyll allan yn beth hynod o bwysig.

Y peth dwi’n mwynhau mwyaf am addysgu y gwyddorau naturiol drwy gyfrwng y Gymraeg ydy’r ffaith bod grwpiau fel arfer yn reit fach felly dwi’n teimlo bod fi’n medru rhoi fy amser i bob un unigolyn i gael y cymorth mae nhw eu hangen ac felly os ydych chi’n dewis astudio y gwyddorau naturiol yn y Gymraeg yna mi fyddwch chi ar fantais oherwydd byddwch chi’n cael mwy o gymorth gan gyfoethion a gan eich addysgwyr.

End transcript: Athro

Dangos y trawsgrifiad|Cuddio'r trawsgrifiad

Lawrlwytho

Athro

Interactive feature not available in single page view (see it in standard view).

Clywch gan fyfyriwr:

Download this video clip.Video player: Myfyriwr >

Myfyriwr

Skip transcript: Myfyriwr

Transcript: Myfyriwr

Felly pam wnes i ddewis astudio trwy gyfrwng y Gymraeg yn y brifysgol? Oherwydd dwi yn berson oedd yn Gymraeg iaith gyntaf ac yn teimlo’n gryf dros yr iaith ac hefyd wedi ei astudio fel Lefel A ac arholiadau TGAU yn yr ysgol trwy gyfrwng y Gymraeg, felly oedd yn bwysig iawn i mi mod i’n cael y cyfle i astudio trwy gyfrwng y Gymraeg – ac oherwydd oedd na modiwlau ar gael yma ym Mangor, roeddwn i’n teimlo bod nhw yna i fyfyrwyr fel fi fy hun ac roeddwn i yn teimlo hefyd bod yn rhoi mantais i fi bod fi’n rhoi gwaith i fewn a gwneud arholidau a phrofion ac ati trwy fy iaith gyntaf

Felly, my mhrofiad o astudio yn y Gymraeg yma yn y brifysgol yw, gan fod y modiwlau ar gael yn y Gymraeg, mi wnes i gymryd mantais o hyn a dewis yr holl fodiwlau oedd ar gael trwy gyfrwng y Gymraeg ar gyfer eu hastudio. Fues i’n ffodus iawn yn cael fy mhenodi gyda tiwtor oedd yn siarad Cymraeg ac felly’n gallu astudio ac addysgu trwy gyfrwng y Gymraeg ac oherwydd hwnna dwi’n meddwl bod hwnna di bod yn gefnogaeth fawr i mi gyflawni fy ngradd.

Yn ogystal a hyn, mae na nifer helaeth o ddarlithwyr o fewn y brifysgol ac o fewn adran ni yn benodol sydd yn siarad Cymraeg ac yn hybu dysgu trwy gyfrwng y Gymraeg – ac oherwydd bod na ddim problem gydag unrhyw ddarn o waith trwy gyfrwng y Gymraeg, boed o yn wneud cyflwyniad neu sgwennu traethawd neu eistedd arholiad, dwi yn teimlo bod hwn wedi fy ngwthio ymlaen trwy fy gradd o gael gwneud gwaith yn fy iaith gyntaf

Dwi’n meddwl bod o’n bwysig hefyd cofio am yr adnoddau eraill ar gael wrth astudio fy ngradd yn cefnogi fi trwyddo fo, er enghraifft, adnoddau gan y Coleg Cymraeg Cenedlaethol ac yng Nghanolfan Bedwyr, sef yr uned ar gyfer y Gymraeg yma yn y brifysgol. Bod cael adnoddau, er enghraifft, Cysgair a Cysill a pob math o bethau er mwyn ein helpu ni fel myfyrwyr i ddefnyddio ein Cymraeg ac astudio trwy gyfrwng y Gymraeg, yn help mawr i mi ar gyfer astudio fy ngradd.

Felly pam byswn i’n argymell i fyfyrwyr astudio trwy gyfrwng y Gymraeg a dewis y modiwlau Cymraeg hyn? Wel, dwi’n teimlo fel person – fel dwi di son yn barod – sy’n iaith gyntaf y Gymraeg, dwi’n teimlo bod na gyfrifoldeb arnyn ni fel myfyrwyr Cymraeg i ddewis y modiwlau hyn. Wrth gwrs, mae’r brifysgol yn eu rhoed nhw ar y daflen modiwlau ar ein cyfer ni, felly rwy’n teimlo bod hi’n bwysig bod y myfyrwyr yn manteisio ar hyn. Dwi hefyd yn teimlo bod o wedi rhoi rhywfaint o brofiad ychwanegol i mi gan fod ffy mod i wedi dod i nabod y staff Gymraeg yn dda a bod fi hefyd wedi dod i nabod myfyrwyr Cymraeg eraill ,felly rwy’n credu bod na nifer o fanteision i fyfyrwyr wneud hyn.

Dwi’n meddwl bod hi hefyd yn bwysig cofio bod y pethau ma ar gael – dwi’n meddwl ella bod ambell myfyrfiwr ddim yn ymwybodol o’r holl adnoddau Cymraeg sydd ar gael ac oherwydd hynny yn peidio dewis y modiwlau hyn, ond dwi’n meddwl bod o’n bwysig ein bod ni’n eu dewis nhw er mwyn eu hargymell nhw ar gyfer myfyrwyr y dyfodol ac yn y blaen.

Dwi yn teimlo bod gallu gwneud cyflwyniadau a bod yn ddwyieithog, wrth gwrs yn siarad Cymraeg ac yn Saesneg, a bod yn hyderus yn sgwennu ac yn darllen drwy gyfrwng y Gymraeg a’r Saesneg yn rhoi mantais ychwnaegol i fyfyrwyr ymhellach ymlaen yn eu gyrfa, er enghraifft, os ydyn nhw yn ymgeisio am swydd, yn enwedig y dyddiau yma, ma na bwyslais mewn nifer o swyddi fod yr ymgeiswyr yn gallu siarad Cymraeg a Saesneg yma yng Nghymru, felly dwi yn credu bod y gallu i ysgrifennu yn ffurfiol ac ysgrifennu o safon drwy gyfrwng y Gymraeg yn rhoi mantais ychwanegol nes ymlaen mewn bywyd.

Dwi hefyd yn teimlo bod yr adnoddau sydd ar gael yma i’w defnyddio ac felly mae eisiau gwneud y fwyaf ohonyn nhw. Hefyd, dwi’n siarad gyda nifer o ffrindiau fi, sydd efallai wedi mynd i ffwrdd i brifysgol neu wedi dewis astudio modiwlau trwy gyfrwng y Saesneg, sydd yn teimlo ar ôl gadael y brifysgol eu bod eu Cymraeg nhw wedi dirywio ac oherwydd hyn nad ydyn nhw mor hyderus yn yr iaith. Felly dwi yn teimlo bod na gyfrifoldeb i ddewis y modiwlau hyn er budd ein hunain ac er budd y Gymraeg.

End transcript: Myfyriwr

Dangos y trawsgrifiad|Cuddio'r trawsgrifiad

Lawrlwytho

Myfyriwr

Interactive feature not available in single page view (see it in standard view).

Pam dewis astudio drwy’r Gymraeg? Mae rhesymau a phrofiad pawb yn wahanol, ond dyma’r prif fanteision mae myfyrwyr eu hunain yn nodi o astudio cwrs drwy’r Gymraeg:

Cymorth ariannol drwy ysgoloriaethau’r Coleg Cymraeg Cenedlaethol
Dosbarthiadau llai ac felly profiad dysgu fwy personol a chefnogol
Dod i adnabod darlithwyr a chyd-fyfyrwyr yn well
Gwell opsiynau gyrfa a chyfleoedd cyflogaeth trwy cael sgiliau ychwanegol ar y CV
Codi hyder a gwella sgiliau iaith Cymraeg
Deall y pwnc yn well trwy gweithredu mewn dwy iaith

Eisiau clywed mwy gan fyfyrwyr am y manteision o astudio cyrsiau drwy’r Gymraeg? Cymerwch olwg ar flogiau Llysgenhadon y Coleg Cymraeg Cenedlaethol neu dilynwch #llaisllysgennad ar trydar.

Gyrfaeoedd

The Open University — Tue, 10 Sep 2019 23:00:00 GMT

Gall astudio’r gwyddorau naturiol agor drysau i ystod eang o yrfaoedd mewn gwahanol sectorau, o ymchwil, addysg a chadwraeth, i’r cyfryngau, busnes a rheloaeth, i enwi ychydig. Gall astudio cwrs yn y Gymraeg agor hyd yn oed mwy o ddrysau, gyda mwy a mwy o gyflogwyr yn chwilio am raddedigion gyda sgiliau dwyieithog. Mae’r gallu i drafod pwnc ar lefel dechnegol uchel mewn mwy nag un iaith yn cael ei gydnabod fel sgil werthfawr gan cyflogwyr yng Nghymru ac ar draws y byd amlieithog.

Gwyliwch stori Helen – warden Yr Wyddfa – am ei phrofiad hi o warchod y mynydd a gweithio mewn cymuned dwyieithog.

OK, ond... ydy fy Nghymraeg yn ddigon da?

The Open University — Tue, 10 Sep 2019 23:00:00 GMT

Dim yn siŵr os ydy eich Cymraeg yn ddigon da i astudio pwnc gwyddonol drwy’r Gymraeg yn y brifysgol? Gall hyn fod yn bryder i rai unigolion am amryw o resymau. Efallai fod cyfleoedd i ddefnyddio’r Gymraeg o ddydd i ddydd yn brin. Neu efallai eich bod yn digon cyfforddus yn defnyddio’r Gymraeg gyda ffrindiau neu teulu, ond yn ansicr mewn sefyllfaoedd academaidd. Efallai eich bod yn poeni am ddysgu terminoleg gwyddonol newydd yn y brifysgol. Peidiwch â phoeni. Mae astudio drwy’r Gymraeg yn gyfle yn ei hun i adeiladu eich hyder yn yr iaith, trwy:

dysgu mewn grŵpiau bach gyda myfyrwyr o gefndiroedd ieithyddol amrywiol
arweiniad gan diwtoriaid sydd yn arbenigwyr byd-eang yn eu maes
cefnogaeth ieithyddol, megis:
- cyrsiau sgiliau iaith
- meddalwedd gwirio iaith ar eich cyfrifiadur ac ar-lein
- geiriadurion termau ar eich ffôn ac ar-lein.

Cymerwch olwg ar flog Rhiannon, myfyriwr Sŵoleg, am ei phrofiad hi a’i ‘tips’ am astudio pwnc gwyddonol drwy’r Gymraeg.

Pa adnoddau eraill sydd ar gael i astudio’r gwyddorau naturiol drwy’r Gymraeg neu’n ddwyieithog?

The Open University — Tue, 10 Sep 2019 23:00:00 GMT

Yn ogystal â’r adnoddau byddwch yn derbyn ar eich cwrs, mae yna amryw o adnoddau cyfrwng Cymraeg a dwyieithog ar gael ar-lein i gefnogi eich dysgu a darganfod mwy am ryfeddodau’r byd naturiol! Dyma rai engrheifftiau:

Gwerddon – e-gyfnodolyn academaidd cyfrwng Cymraeg sy’n cynnwys ymchwil ar ystod o bynciau gan gynnwys y gwyddorau Naturiol
Wicipediau Cymraeg – gwyddoniadur Cymraeg sy’n seiliedig ar Wikipedia gyda dros 90,000 o dudalennau pwnc
Llên natur – geiriadur enwau a thermau

Cydnabyddiaethau

The Open University — Tue, 10 Sep 2019 23:00:00 GMT

Diolch i Dr Marion Pye am gynorthwyo gyda’r modiwl hwn.

Mae’r Brifysgol Agored wedi gweithio â’r Coleg Cymraeg Cenedlaethol i ddatblygu unedau dwyieithog, gan gynnwys yr uned hon, ar OpenLearn Cymru: www.colegcymraeg.ac.uk

Rhoddir cydnabyddiaeth diolchgar i’r ffynonellau canlynol:

Lluniau

Gwyddonwyr yn gweithio yn y labordy (llun baner) AlexRaths/Getty

Meicrosgop (baner)/coleg (llun cwrs) Emma Cooper This file is licensed by Creative Commons Attribution-NonCommercial 2.0 Generic (CC BYNC 2.0) (https://creativecommons.org/licenses/by-nc/2.0)/

Gwneir pob ymdrech i gysylltu â dalwyr hawlfraint. Os fydd unrhyw un ohonynt heb gael eu sylwi ar ddamwain bydd y cyhoeddwyr yn hapus i wneud y trefniadau bydd angen ar y cyfle cyntaf.