1.5 Sgiliau

Mae gweithwyr cymdeithasol yn datblygu eu sgiliau drwy eu profiadau ymarfer yn bennaf. Fodd bynnag, mae’n ddefnyddiol cael fframwaith i’ch helpu i ddysgu a deall.

Rydym yn defnyddio pedwar categori o sgiliau yn ein fframwaith:

  • Sgiliau meddwl - dadansoddi, rheoli, myfyrio a gwerthfawrogi
  • Sgiliau defnyddio’r synhwyrau - gwrando a siarad, arsylwi, deall a mynegi teimladau
  • Sgiliau sy’n cyfuno sgiliau meddwl a sgiliau defnyddio’r synhwyrau – rhoi a chael adborth adeiladol, cyfweld, arwain, negodi, cefnogi
  • Sgiliau sy’n cefnogi eich astudiaethau a’ch ymarfer - ysgrifennu myfyriol, sgiliau llythrennedd gwybodaeth a digidol, sgiliau ysgrifennu proffesiynol ac academaidd.

Ymhlith y sgiliau eraill sydd eu hangen ar weithwyr cymdeithasol mae:

  • Arddulliau ysgrifennu myfyriol, proffesiynol ac academaidd
  • Sgiliau meddwl, megis myfyrio a dadansoddi
  • Y gallu i adnabod a herio agweddau gwahaniaethol
  • Sgiliau rhyngbersonol a chyfathrebu
  • Sgiliau TGCh a llythrennedd gwybodaeth (y term cyfunol ar gyfer y rhain yw llythrennedd gwybodaeth a digidol).

Bydd y gweithgareddau yn y cwrs yn eich cyflwyno i rai o’r sgiliau hyn.

1.3 Y broses gwaith cymdeithasol

2 Canolbwyntio ar yr Unigolyn