ಈ ಮುಂದೆ ನೀಡಲಾಗಿರುವ 9 ವಿಡಿಯೋಗಳು ಭಾರತದ ಶಾಲೆಗಳಲ್ಲಿರುವ ನಾಯಕತ್ವದ ಅಂಶಗಳ ಬಗ್ಗೆ ಕೇಂದ್ರೀಕೃತವಾಗಿದೆ. ಈ ವಿಡಿಯೋಗಳಲ್ಲಿ ಭಾರತೀಯ ಶಾಲಾ ನಾಯಕರು, ತಮ್ಮ ಪ್ರಾಥಮಿಕ ಅಥವಾ ಪ್ರೌಢಶಾಲೆಗಳಲ್ಲಿ, ಬೋಧನಾ ಮತ್ತು ಕಲಿಕೆಯನ್ನು ಸುಧಾರಿಸಲು, ಬದಲಾವಣೆಯನ್ನು ಹೇಗೆ ಅನುಷ್ಟಾನ ಮಾಡಿದರೆಂಬ ಬಗ್ಗೆ ಮಾತನಾಡಿರುವುದನ್ನು ತೋರಿಸಲಾಗಿದೆ. ನಿಮ್ಮ ಶಾಲೆಗಳಲ್ಲಿಯೂ ಈ ಬಗೆಯ ಅಭ್ಯಾಸಗಳ ಬಳಕೆಯ ಬಗ್ಗೆ ಪರಿಶೋಧಿಸುವಂತೆ ನಿಮ್ಮನ್ನು ಪ್ರೇರೇಪಿಸುವುದು, ಈ ವಿಡಿಯೋಗಳ ಮುಖ್ಯ ಉದ್ದೇಶವಾಗಿದೆ.
ಈ ವಿಡಿಯೋಗಳನ್ನು 9 ವಿಷಯಗಳಿಗೆ ಅನುಗುಣವಾಗಿ ಕ್ರಮಬದ್ಧವಾಗಿ ಸಂಯೋಜಿಸಲಾಗಿದೆ:
ಈ ವಿಡಿಯೋಗಳನ್ನು TESS-India ಶಾಲೆಯ ನಾಯಕತ್ವ ಮು.ಶೈ.ಸಂ (OER) ದ ವಿಷಯಗಳೊಂದಿಗೆ ಸಂಬಂಧೀಕರಿಸಲಾಗಿದೆ.
ಶಾಲಾ ನಾಯಕರೊಡನೆ ಚರ್ಚೆಗಳು ಮತ್ತು ಚಟುವಟಿಕೆಗಳನ್ನು ಕೈಗೊಳ್ಳಲು ಹಾಗು ಹೆಚ್ಚಿನ ವಿವರಿಗಳಿಗೆ ಹಾಗು ಪರಿಕಲ್ಪನೆಗಳಿಗಾಗಿ ಶಾಲೆಯ ನಾಯಕತ್ವ ವಿಡೀಯೊ ಸಂಪನ್ಮೂಲಗಳು ಟಿಪ್ಪಣಿಗಳು ಇಲ್ಲಿ ಲಭ್ಯವಿರುತ್ತದೆ.
ವಿದ್ಯಾರ್ಥಿಗಳ ಹಾಜರಾತಿಯನ್ನು ಉತ್ತಮಗೊಳಿಸಲು ತಾವು ಅಳವಡಿಸಿರುವ ಬದಲಾವಣೆಗಳ ಬಗ್ಗೆ ಶಾಲಾ ನಾಯಕರು ಮಾತನಾಡುತ್ತಾರೆ. ಇದರಲ್ಲಿರುವ ಸಮಸ್ಯೆಗಳೇನು ಮತ್ತು ಪೋಷಕರೊಡನೆ ಉತ್ತಮ ಬಾಂಧವ್ಯ ಬೆಳೆಸಿಕೊಳ್ಳುವುದೂ ಸೇರಿದಂತೆ ,ಅವುಗಳನ್ನು ಹೇಗೆ ಪರಿಹರಿಸಲಾಯಿತೆಂದು ಅವರು ವಿವರಿಸುತ್ತಾರೆ.
ಶಾಲಾ ದಾಖಲಾತಿ ಮತ್ತು ಹಾಜರಾತಿಯ ಮೇಲೆ ನೇರ ಪರಿಣಾಮ ಬೀರುವ ಅಂಶಗಳನ್ನು ಬದಲಿಸಲು, ಮುಖ್ಯ ಜನರ ಸಹಾಯವನ್ನು ಶಾಲಾ ನಾಯಕರು ಕೋರಿದರು. ನಿಮ್ಮ ಶಾಲೆಯಲ್ಲಿ ಸುಧಾರಣೆಯನ್ನು ತರಲು ನಿಮಗೆ ಯಾವ ಜನರ ಸಹಾಯ ಬೇಕಾಗುತ್ತದೆ? ನಿಮ್ಮ ಶಾಲೆಯಲ್ಲಿ ತೆಗೆದುಕೊಳ್ಳಲಾಗುವ ನಿರ್ಧಾರಗಳು ಮತ್ತು ಪರಿಹಾರಗಳಲ್ಲಿ ಈ ಜನರನ್ನು ಹೆಚ್ಚು ತೊಡಗಿಸಿಕೊಳ್ಳಲು ಏನು ಮಾಡಬಹುದೆಂದು ಯೋಚಿಸುತ್ತೀರಾ?
ಸಂಬಂಧಿತ TESS-India ಶಾಲೆಯ ನಾಯಕತ್ವ OER
ಶಾಲಾ ನಾಯಕರೊಬ್ಬ್ಬರು ತಮ್ಮ ಶಾಲೆಯ ಸುತ್ತ ಓಡಾಡುತ್ತಾರೆ. ತರಗತಿಯಲ್ಲಿ ಅಳವಡಿಸಿಕೊಳ್ಳಲಾಗುತ್ತಿರುವ ಪರಿಣಾಮಕಾರಿ ಪದ್ದತಿಗಳನ್ನು ಪ್ರಶಂಸಿಸಲು ಮತ್ತು ಏನಾದರು ಕೊರತೆ ಕಂಡು ಬಂದಲ್ಲಿ ಅದನ್ನು ಸರಿಪಡಿಸಲು ನೆರವಾಗುವಂತೆ, ನಾಯಕರು ತರಗತಿಗಳನ್ನು ಗಮನಿಸಿ ಟಿಪ್ಪಣ್ಣಿಗಳನ್ನು ಮಾಡಿಕೊಳ್ಳುತ್ತಾರೆ. ನಾಯಕರ ಈ ಭೇಟಿ ಅಭ್ಯಾಸವಾಗಿ ಹೋಗುವುದರಿಂದ, ವಿದ್ಯಾರ್ಥಿಗಳು ಹಾಗು ಶಿಕ್ಷಕರು ಭೇಟಿಗೆ ಪ್ರತಿಕ್ರಿಯಿಸುವುದಿಲ್ಲ.
ನಿಮ್ಮ ದಿನ ನಿತ್ಯದ ಕೆಲಸ ಕಾರ್ಯಗಳಲ್ಲಿ ನೀವು ನಿಮ್ಮನ್ನುಸಂಪೂರ್ಣವಾಗಿ ತೊಡಗಿಸಿಕೊಳ್ಳುವುದು ಸಾಮಾನ್ಯ. ಆದರೆ ನಿಯಮಿತವಾಗಿ ನೀವು ಶಾಲೆಯ ಸುತ್ತ ಒಮ್ಮೆ ಹೋಗಿ ಬರಲು ಸ್ವಲ್ಪ ಸಮ್ಮಯ ತೆಗೆದುಕೊಂಡರೆ, ಶಾಲೆಯಲ್ಲಿ ಕೆಲಸ ನಡೆಯುವುದರ ಬಗ್ಗೆ ಸಾಕಷ್ಟು ತಿಳಿದುಕೊಳ್ಳಬಹುದು. ಪಾಠಗಳು ನಡೆಯುವಾಗ, ವಿದ್ಯಾರ್ಥಿಗಳ ಮುಂದೆ ಕುಳಿತು ಅವರ ಅನುಭವವನ್ನು ಎಷ್ಟು ಬ್ಬಾರಿ ನೀವು ಕೇಳುತ್ತೀರಾ? ನಿಮ್ಮ ಶಾಲೆ ಹೇಗೆ ಕಾರ್ಯನಿರ್ವಹಿಸುತ್ತಿದೆ ಎಂಬ ಸಮಗ್ರ ಮಾಹಿತಿಯ ಬಗ್ಗೆ ಪುರಾವೆಯನ್ನು ಇನ್ನು ಹೇಗೆ ಸಂಗ್ರಹಿಸುತ್ತೀರಾ?
ಸಂಬಂಧಿತ TESS-India ಶಾಲೆಯ ನಾಯಕತ್ವ OER
ಗ್ರಾಮದ ಶಾಲೆಯ ಶಿಕ್ಷಕರೊಬ್ಬರು, ಪ್ರತಿಯೊಬ್ಬ ವಿದ್ಯಾರ್ಥಿಯ ಹಿನ್ನಲೆಯನ್ನು ತಿಳಿದಿಕೊಳ್ಳುವುದು ಎಷ್ಟು ಮುಖ್ಯ ಅನ್ನುವುದರ ಬಗ್ಗೆ ಮಾತನಾಡುತ್ತಾರೆ. ವಿದ್ಯಾರ್ಥಿಗಳ ಕಲಿಕೆ ಮತ್ತು ಹಾಜಾರಾತಿಯ ಮೇಲೆ ಅವರ ಹಿನ್ನಲೆ ಹೇಗೆ ಪರಿಣಾಮ ಬೀರುತ್ತದೆ ಎಂದು ಗುರುತಿಸುವುದು ಮುಖ್ಯವೆಂದು ಇವರು ಹೇಳುತ್ತಾರೆ. ಸುಗ್ಗಿಯ ಸಮಯದಲ್ಲಿ ತಮ್ಮ ವಿದ್ಯಾರ್ಥಿಗಳ ಮೇಲಿರುವ ಬೇಡಿಕೆಗಳನ್ನು ಶಿಕ್ಷಕಿ ಬದಲಾಯಿಸಲು ಆಗದಿದ್ದರೂ, ಈ ಜವಾಬ್ದಾರಿಗಳು ಅವರ ಕಲಿಕೆಯ ಮೇಲೆ ಕನಿಷ್ಟ ಪರಿಣಾಮ ಬೀರುವ ಹಾಗೆ ವಿದ್ಯಾರ್ಥಿಗಳು ಹಾಗು ಅವರ ಪೋಷಕರೊಡನೆ ಸಮಾಲೋಚಿಸಬಹುದು. ಹೀಗೆ ಮಾಡಿ ಈ ಶಿಕ್ಷಕಿ ಶಾಲಾ ಹಾಜಾರತಿಯಲ್ಲಿ ಸುಧಾರಣೆ ತಂದಿದ್ದಾರೆ.
ನಿಮ್ಮ ವಿದ್ಯಾರ್ಥಿಗಳ ಕಲಿಕೆಯ ಮೇಲೆ ಪರಿಣಾಮ ಬೀರುವ ಅಂಶಗಳೇನೆಂದು ನಿಮಗೆ ತಿಳಿದಿದೆಯೇ? ಈ ಅಂಶಗಳ ಬಗ್ಗೆ ನಿಮಗೆ ಹೆಚ್ಚಿನ ಮಾಹಿತಿ ಇದಿದ್ದರೆ, ನೀವು ವಿದ್ಯಾರ್ಥಿಗಳ ಯಾವ ಸಮಸ್ಯೆಗಳನ್ನು ನಿಭಾಯಿಸುತ್ತಿದ್ದಿರಿ?
ಸಂಬಧಿತ TESS-India ಶಾಲೆಯ ನಾಯಕತ್ವ OER
ಸಂಬಂಧಿತ TESS-Indiaಮುಖ್ಯ ಸಂಪನ್ಮೂಲಗಳು:
ತಮ್ಮ ಶಾಲೆಯಲ್ಲಿನ ಒಂದು ನಿರ್ಧಿಷ್ಟವಾದ ಸಮಸ್ಯೆಯ ಬಗ್ಗೆ ಶಾಲಾ ನಾಯಕರು ಮಾತನಾಡುತ್ತಾರೆ- ಓದುವಿಕೆ ಮತ್ತು ಬರಹದ ಬೋಧನೆಯಲ್ಲಿ ಅಸಂಮಜಸತೆಯ ಸಮಸ್ಯೆಯನ್ನು ಪರಿಹರಿಸಲು ಇಡೀ ಶಾಲೆಯನ್ನು ಹೇಗೆ ಅವರು ತೊಡಗಿಸಿಕೊಂಡರೆಂಬುದರ ಬಗ್ಗೆ ನಾಯಕರು ಮಾತನಾಡುತ್ತಾರೆ. ಸಂಬಂಧಿತ ಅಂಶಗಳನ್ನು ಗುರುತಿಸಲು ಶಿಕ್ಷಕರನ್ನು ತೊಡಗಿಸಿಕೊಂಡು, ಅದಕ್ಕೆ ಅನುಗುಣವಾಗಿ ಕ್ರಮವನ್ನ್ನು ಹೇಗೆ ತೆಗೆದುಕೊಳ್ಳಲಾಯಿತೆಂದು ಅವರು ಮಾತನಾಡುತ್ತಾರೆ.
ನಿಮ್ಮ ಶಾಲೆಯಲ್ಲಿ ಕಲಿಕೆಯ ಕ್ಷೇತ್ರದ ಕೆಲವು ಅಂಶಗಳಲ್ಲಿ ನಿಶಕ್ತವಾಗಿದೆ ಎಂದು ನಿಮಗೆ ಅನಿಸುತ್ತಿದೆಯಾ? ಇದನ್ನು ಹೇಗೆ ಹೆಚ್ಚಾಗಿ ಪತ್ತೆ ಹಚ್ಚುತ್ತೀರಾ ಹಾಗು ಕ್ರಮಕೈಗೊಳ್ಳಲು ಯಾರ ನೆರವನ್ನು ಪಡೆಯುತ್ತೀರಾ?
ಸಂಬಧಿತ TESS-India ಶಾಲೆಯ ನಾಯಕತ್ವ OER
ಸಂಬಂಧಿತ TESS-Indiaಸಂಪನ್ಮೂಲ:
ಸಂಬಂಧಿತ TESS-Indiaಶಿಕ್ಷಕರ ಅಭಿವ್ರುದ್ಧಿ OER:
ತಮ್ಮ ಮಕ್ಕಳ ಶಿಕ್ಷಣದಲ್ಲಿ ಪೋಷಕರನ್ನು ತೊಡಗಿಸಿಕೊಳ್ಳುವುದರಲ್ಲಿ ಇರುವ ಸವಾಲುಗಳ ಬಗ್ಗೆ ಶಾಲಾ ನಾಯಕರು ಮಾತನಾಡುತ್ತಾರೆ. ಒಮ್ಮೆ ಮಾತುಕತೆ ಸ್ಥಾಪಿತವಾದ ಮೇಲೆ, ವಿದ್ಯಾರ್ಥಿಯ ಕಲಿಕೆಯ ಮೇಲೆ ವ್ಯತಿರಿಕ್ತ ಪರಿಣಾಮ ಬೀರುವ ಅಂಶಗಳನ್ನು ಪರಿಹರಿಸಲು ಸುಲಭವಾಗುತ್ತದೆ ಎಂದು ಅವರು ಹೇಳುತ್ತಾರೆ.
ವಿದ್ಯಾರ್ಥಿಗಳ ಕಲಿಕೆಯನ್ನು ಬೆಂಬಲಿಸಲು ಶಾಲೆಯಲ್ಲಿ ಪೋಷಕರನ್ನು ತೊಡಗಿಸಿಕೊಳ್ಳುವುದು ಮುಖ್ಯ ಅಂಶವಾಗುತ್ತದೆ. ನಿಮ್ಮ ಶಾಲೆಗೆ ಭೇಟಿ ನೀಡಲು ನಿಮ್ಮ ವಿದ್ಯಾರ್ಥಿಗಳ ಪೋಷಕರೆನ್ನು ಹೇಗೆ ಉತ್ತೇಜಿಸುತ್ತೀರಾ? ತಮ್ಮ ಮಕ್ಕಳ ಕಲಿಕೆಯನ್ನು ಬೆಂಬಿಸಲು ಇನ್ಯಾವ ರೀತಿಯಲ್ಲಿ ಪೋಷಕರನ್ನು ಉತ್ತೇಜಿಸುತ್ತೀರಾ?
ಸಂಬಧಿತ TESS-India ಶಾಲೆಯ ನಾಯಕತ್ವ OER:
ದೈಹಿಕ ವಿಕಲತೆ ಇದ್ದ ಒಬ್ಬ ವಿದ್ಯಾರ್ಥಿಗೆ, ಶಾಲೆಯ ಚಟುವಟಿಕೆಗಳಲ್ಲಿ ಸಂಪೂರ್ಣವಾಗಿ ಭಾಗವಹಿಸಲು ಹೇಗೆ ಆತನಿಗೆ ಯಶಸ್ವಿಯಾಗಿ ವಿವಿಧ ರೀತಿಯಲ್ಲಿ ಬೆಂಬಲ ನೀಡಲಾಗುತ್ತದೆ ಎಂಬುದನ್ನು ಶಾಲಾ ನಾಯಕರೊಬ್ಬರು ವಿವರಿಸುತ್ತಾರೆ.
ಶಾಲಯಲ್ಲಿ ಲಭ್ಯವಿರುವ ಅವಕಾಶಗಳು ಮತ್ತು ನಡೆಯುವ ಚಟುವಟಿಕೆಗಳಲ್ಲಿ ಎಲ್ಲಾ ವಿದ್ಯಾರ್ಥಿಗಳು ಭಾಗವಹಿಸುವುದನ್ನು ಖಾತ್ರಿ ಪಡಿಸಿಕೊಳ್ಳುವುದರಲ್ಲಿ ಶಾಲಾ ನಾಯಕರ ಪಾತ್ರ ಮುಖ್ಯವಾಗುತ್ತದೆ. ಈ ವಿಡೀಯೊದಲ್ಲಿ ತೋರಿಸಿರುವಂತೆ , ವಿದ್ಯಾರ್ಥಿಗಳು ಕಲಿಕೆಯಿಂದ ಅಥವಾ ಶಾಲೆಯಲ್ಲಿರುವ ಸೌಲಭ್ಯಗಳು ಅಥವಾ ಸಂಪನ್ಮೂಲಗಳಿಂದ ಹೊರಗುಳಿಯಲು ದೈಹಿಕ ವಿಕಲತೆ ಒಂದು ಕಾರಣವಾಗಬಹುದು.
ಆದರೆ ಇನ್ನೂ ಹಲವಾರು ಅಂಶಗಳಿವೆ- ಲಿಂಗ, ಸಾಮಾಜಿಕ ಅಂತಸ್ತು ಅಥವಾ ದೃಷ್ಟಿ ಹೀನತೆ- ಈ ಎಲ್ಲ ಅಂಶಗಳು ಅವರನ್ನು ಇತರರು ನಡೆಸಿಕೊಳ್ಳುವ ರೀತಿಯಲ್ಲಿ ಕೊರತೆ ತರಬಹುದು. ನಿಮ್ಮ ಶಾಲೆಯಲ್ಲಿ ಎಲ್ಲ ವಿದ್ಯಾರ್ಥಿಗಳು ಕಲಿಕೆಯಲ್ಲಿ ಸಂಪೂರ್ಣವಾಗಿ ಭಾಗವಹಿಸಲು ಸಾಧ್ಯವಾಗಿದೆಯಾ? ಅಸಮಾನತೆಯನ್ನು ಕಡಿಮೆಗೊಳಿಸಲು ನೀವು ಏನುಮಾಡಬಹುದು?
ಸಂಬಂಧಿತ TESS-India ಶಾಲೆಯ ನಾಯಕತ್ವ OER
ಸಂಬಂಧಿತ TESS-Indiaಮುಖ್ಯ ಸಂಪನ್ಮೂಲ:
ಗುಣಮಟ್ಟವನ್ನು ಸುಧಾರಿಸಲು ತಮ್ಮ ಶಾಲೆಯಲ್ಲಿ ಕಲಿಕಾ ವಾತಾವರಣವನ್ನು ಶಾಲಾ ನಾಯಕರು ಯಶಸ್ವಿಯಾಗಿ ಮೇಲ್ವಿಚಾರಣೆ ಮಾಡುತ್ತಾರೆ. ಪಾಠಗಳನ್ನು ಗಮನಿಸಿ, ಅವರ ಸಿಬ್ಬಂದಿ ಮತ್ತು ವಿದ್ಯಾರ್ಥಿಗಳೊಡನೆ ಮಾತನಾಡುತ್ತಾರೆ ಮತ್ತು ಶಾಲೆಯಲ್ಲಿ ಶುಚಿತ್ವ ಹಾಗು ಕಾಲನಿಷ್ಟೆಯ ವಿಷಯಗಳತ್ತ ಗಮನ ಹರಿಸುತ್ತಾರೆ.
ಶಾಲಾ ವಾತಾವರಣ ಕಲಿಕೆಗೆ ಪೂರಕವಾಗಿರುವಂತೆ ನೋಡಿಕೊಳ್ಳುವುದು ಶಾಲಾ ನಾಯಕರ ಪಾತ್ರದ ಒಂದು ಮುಖ್ಯ ಅಂಗ. ಇಲ್ಲಿ ಗಮನಹರಿಸ ಬೇಕಾದ ಮುಖ್ಯ ಅಂಶಗಳೆಂದರೆ ಬೋಧನೆಯ ಗುಣಮಟ್ಟ, ಪಠ್ಯಪುಸ್ತಕಗಳ ಲಭ್ಯತೆ, ವಿದ್ಯಾರ್ಥಿಗಳ ನಡವಳಿಕೆ ಹಾಗು ತೊಳೆಯುವ ಸೌಲಭ್ಯಗಳು. ನಿಮ್ಮ ಶಾಲೆಯಲ್ಲಿ ಎಲ್ಲಾ ವಿದ್ಯಾರ್ಥಿಗಳಿಗೂ ಕಲಿಕಾ ವಾತಾವರಣವನ್ನು ಸುಧಾರಿಸಲು ಏನು ಮಾಡುತ್ತೀರಿ?
ಸಂಬಂಧಿತ TESS-India ಶಾಲೆಯ ನಾಯಕತ್ವ OER
ಸಂಬಂಧಿತ TESS-Indiaಮುಖ್ಯ ಸಂಪನ್ಮೂಲ:
ಶಿಕ್ಷಕರಿಗೆ ಮಾರ್ಗದರ್ಶನ ನೀಡಿ ಅವರನ್ನು ಹೇಗೆ ಮುನ್ನಡೆಸುವುದೆಂದು ಶಾಲಾ ನಾಯಕರೊಬ್ಬರು ಹೇಳುವುದನ್ನು ಕೇಳಸಿಕೊಳ್ಳಿ ಹಾಗು ಅವರು ಯಾವುದರತ್ತ ದೃಷ್ಟಿ ಹಾಯುಸುತ್ತಾರೆಂದು ಗಮನಿಸಿ. ಶಾಲಾ ನಾಯಕರ ಆದ್ಯತೆಗಳಲ್ಲಿ ವಿದ್ಯಾರ್ಥಿಗಳ ಅನುಭವ ಎಷ್ಟು ಮುಖ್ಯ ಪಾತ್ರವಹಿಸುತ್ತದೆಂದು ಸಹ ಗಮನಸಿ.
ಈ ಶಾಲಾ ನಾಯಕರು ತಮ್ಮ ಶಿಕ್ಷಕರನ್ನು ಮುನ್ನಡೆಸುವ ಬಗ್ಗೆ ಮಾತನಾಡುವಾಗ, ಅವರ ಮುಖ್ಯ ದೃಷ್ಟಿ ಅವರುಗಳನ್ನು ಸಂಘಟಿಸುವುದಾಗಿದೆ. ಆದರೆ ಅವರು ಶಾಲೆಯಲ್ಲಿ ಒಂದು ಸಹಕಾರಿ ಮನೋಭಾವವನ್ನು ಹೇಗೆ ಬೆಳೆಸುತ್ತಾರೆಂಬುದರ ಬಗ್ಗೆ ಸಹ ಮಾತನಾಡುತ್ತಾರೆ. ನಿಮ್ಮ ಶಿಕ್ಷಕರನ್ನು ಮುನ್ನಡೆಸುವ ಯತ್ನದಲ್ಲಿ ನಿಮ್ಮ ಆದ್ಯತೆಗಳೇನು?
ಸಂಬಂಧಿತ TESS-India ಶಾಲೆಯ ನಾಯಕತ್ವ OER:
ತಮ್ಮ ವಿದ್ಯಾರ್ಥಿಗಳೊಡನೆ ಭಾಗವಹಿಸುವಿಕೆಯ ನಿಲುವನ್ನು ಬಳಸಲು ತಮ್ಮ ಶಾಲೆಯಲ್ಲಿ ಶಿಕ್ಷಕರನ್ನು ಹೇಗೆ ಸಶಕ್ತಗೊಳಿಸುತ್ತಾರೆ ಎಂಬುದರ ಬಗ್ಗೆ ಶಾಲಾ ನಾಯಕರೊಬ್ಬರು ಮಾತನಾಡುತ್ತಾರೆ. ಒಬ್ಬ ನಾಯಕರಾಗಿ, ಇವರು ಈ ನಿಲುವುಗಳನ್ನು ಸ್ವತಃ ತಾವು ಮಾದರನ್ನಾಗಿಸಿಕೊಳ್ಳುವುದರ ಬಗ್ಗೆ ಎಚ್ಚರವಹಿಸುತ್ತಾರೆ.
ಶಿಕ್ಷಕರು ತಮ್ಮ ಕೆಲಸದಲ್ಲಿ ತಮ್ಮನ್ನು ತೊಡಗಿಸಿಕೊಂಡಿದ್ದಾರೆಂದು ಖಚಿತ ಪಡಿಸಿಕೊಳ್ಳಲು ಶಾಲಾ ನಾಯಕರು ಶಿಕ್ಷಕರೊಡನೆ ಹಾಗು ವಿದ್ಯಾರ್ಥಿಗಳೊಡನೆ ಮಾತನಾಡುತ್ತಾರೆ. ಪಠ್ಯಕ್ರಮವನ್ನು ಅನುಸರಿಸಲಾಗುತ್ತ್ತಿದೆ ಎಂದು ಖಾತ್ರಿ ಪಡಿಸಿಕೊಳ್ಳುವುದು ಮುಖ್ಯವಾಗುತ್ತದೆ. ಆದರೆ ವಿದ್ಯಾರ್ಥಿಗಳ ಕಲಿಕೆಯ ಅನುಭವದ ಬಗ್ಗೆ ಹೇಗೆ ತಿಳಿದಿಕೊಳ್ಳುತ್ತೀರಿ? ನಿಮ್ಮ ಶಾಲೆಯಲ್ಲಿ ಎಲ್ಲಾ ಪಾಠಗಳಲ್ಲೂ ಭಾಗವಹಿಸುವಿಕೆಯ ನಿಲುವನ್ನು ಹೇಗೆ ಉತ್ತೇಜಿಸುತ್ತೀರಿ?
ಸಂಬಂಧಿತ TESS-Indiaಮುಖ್ಯ ಸಂಪನ್ಮೂಲಗಳು: