හැඳින්වීම
ඩිජිටල් අන්තර්කරණය කිරීමේ මිනිත්තු 5
-
ඉදිරි සති 5 තුළ ඔබට අපේක්ෂා කළ හැකි දේ පිළිබඳ කෙටි විස්තරයක් මෙන්න.
Transcript - English
පිටපත - සිංහල
Transcript - Tamil
එය කුමක් ගැනද?
මෙම කොටස් පහකින් යුත් වීඩියෝ මාලාවේදී, උසස් අධ්‍යාපනයේ ඩිජිටල් අන්තර්කරණය කිරීමේ අත්‍යවශ්‍ය මූලධර්ම සහ භාවිතයන් අපි සලකා බලමු. සෑම කථාංගයක්ම, මිනිත්තු පහක් පමණ කාලයක් තුළ, ඔබේ ඩිජිටල් ද්‍රව්‍ය සහ මාර්ගගත අවකාශයන් සියලුම ඉගෙන ගන්නන්ට ප්‍රවේශ විය හැකි බව සහතික කිරීම සඳහා ප්‍රායෝගික, ක්‍රියාකාරී උපාය මාර්ග ඔබට ලබා දෙනු ඇත.
අපි මූලික සංකල්ප සමඟින් ආරම්භ කර, ඩිජිටල් මෙවලම් ගවේෂණය කර, පසුව ප්‍රවේශ විය හැකි අන්තර්ගතයන් නිර්මාණය කිරීමට සහ ඇතුළත්වූ සබැඳි පරිසරයන් සංවර්ධනය කිරීමට ඉදිරියට යන්නෙමු. සාධාරණ ඉගෙනුම් අත්දැකීම් නිර්මාණය කිරීම සඳහා ඉගෙනීම සඳහා විශ්වීය නිර්මාණය (යූඩීඑල්) හි මූලධර්ම යෙදීමෙන් අපි අවසන් කරන්නෙමු.මෙම පාඨමාලාව කා සඳහාද?
මෙම පාඨමාලාව ධනාත්මක බලපෑමක් ඇති කිරීමට දැඩි උනන්දුවක් දක්වන අධ්‍යාපනඥයින් සහ සිසුන් යන දෙපිරිසටම නිර්මාණය කර ඇත. ඔබ පළපුරුදු ශාස්ත්‍රාලිකයෙකු වුවද, ඔබේ අධ්‍යයන කටයුතු ආරම්භ කළ අවදියේ සිටින්නෙකු වුවද, වඩාත් අන්තර්කරණයවූ සහ සහාය දක්වන ඩිජිටල් ප්‍රජාවක් ගොඩනැගීමට සරල, ඵලදායී ක්‍රම ඔබට මෙමගින් සොයාගත හැකිය.
එය ක්‍රියාත්මක වන්නේ කෙසේද?
2026 ජනවාරි 12 වන දින සිට, අපි සතියේ සෑම දිනකම දින 25ක් වීඩියෝවක් සහ සම්පත් නිකුත් කරන්නෙමු. ඔබට පාඨමාලාව එදින සිට අනුගමනය කිරීමට මෙන්ම, ඕනෑම දිනයක ආරම්භ කර සම්බන්ධ වීමට සහ සම්පත් නැවත බැලීමට හැකිය. පාඨමාලා පිටුව ඉක්මනින් වසා දැමීමට අපේක්ෂා නොකෙරේ.
වීඩියෝවල ඉංග්‍රීසි භාෂාවට අමතරව දෙමළ සහ සිංහල භාෂාවලින් ශීර්ෂ පාඨ දක්වා ඇති අතර, පිටපත් (ට්‍රැන්ස්ක්‍රිප්ට්ස්) සපයා ඇත. ඔබට යූටියුබ් හි ඔබ කැමති භාෂාව තෝරා ගත හැකිය.
මෙම පාඨමාලාව නොමිලේ සපයනු ලැබේ. ලියාපදිංචි වීමෙන්, මෙම පාඨමාලාවට සහභාගී වීමේ බලපෑම පිළිබඳ ප්‍රතිපෝෂණ ලබා දීම සඳහා මාස 6ක් ඇතුළත විද්‍යුත් තැපෑලෙන් සම්බන්ධ කර ගැනීමට ඔබ එකඟ වේ.එය ඇගයීමට ලක් කෙරේද?
සෑම සතියකම අවසානයේ, ඔබට කෙටි ප්‍රශ්නාවලියක් සම්පූර්ණ කළ හැකි අතර, සාර්ථකව නිම කිරීමෙන් පසු, ඔබට ඔබේ සමාජ මාධ්‍ය පිටුවල ප්‍රදර්ශනය කල හැකි හෝ ඒ හරහා බෙදා ගත හැකි ඩිජිටල් ලාංඡනයක් ලැබෙනු ඇත.
ස්තූතිය
ඉදිරිපත් කරන්නා: ආචාර්ය ඩමරිස් කාර්ලයිල් (ලන්ඩන් විශ්ව විද්‍යාලය, සිංගප්පූරුව)
ඉදිරිපත් කරන්නා: මහාචාර්ය ජෙනිෆර් ජෝර්ජ් (ගෝල්ඩ්ස්මිත්ස්, ලන්ඩන් විශ්ව විද්‍යාලය, එක්සත් රාජධානිය)
ඉදිරිපත් කරන්නා: ඇනමෝල් රාජ්බණ්ඩාරි මහතා
සම්මුඛ සාකච්ඡා: ඉසුරු රත්නායක මහතා, නිකොලස් ෂ්ලොට්සර් ද ලුසියෝ, මැක්ස් එන්ජී යේ කායි
නිර්මාණය සහ තාක්ෂණික: ඇනමෝල් රාජ්බණ්ඩාරි මහතා
පරිවර්තක - දෙමළ: කජන්ති ෂන්මුගනාදන් මහත්මිය
පරිවර්තක - සිංහල: ඉසුරු රත්නායක මහතාඅරමුදල්
මෙම කාර්යයට සහාය දක්වන ලද්දේ ජාත්‍යන්තර සංවර්ධන සහ හවුල්කාරිත්ව කණ්ඩායම වන, ගෝල්ඩ්ස්මිත්ස්-ලසාල් හවුල්කාරිත්ව නවෝත්පාදන අරමුදල (PIF) විසිනි, එය ලන්ඩන් විශ්ව විද්‍යාලයේ ගෝල්ඩ්ස්මිත්, විසින් මෙහෙයවනු ලබන අතර එය සිංගප්පූරුවේ ලසාල් කලා විද්‍යාලය සමඟ ගෝල්ඩ්ස්මිත් විශ්ව විද්‍යාලයේ අධ්‍යයන හවුල්කාරිත්වයේ වර්ධනයට සහ සංවර්ධනයට සහාය වීම සඳහා නිර්මාණය කර ඇත.