Course

கொள்கை என்றால் என்ன?

ஒரு கொள்கை என்பது தீர்மானங்கள் அல்லது நடைமுறைகளை தீர்மானிப்பதற்கும் செல்வாக்கு செலுத்துவதற்கும்  வடிவமைக்கப்பட்ட, அரசாங்கம், வரத்தகத் துறைகள் அல்லது பிற நிறுவனங்களினால் கைகொள்ளப்படும் ‘ஒரு திட்டம், செயல் வடிவம், அல்லது விதிமுறைகளின் தொகுப்பாகும்’ (சர்வதேச மேம்பாட்டுக்கான ஐக்கிய இராச்சிய திணைக்களம், 2005).

ஒரு கொள்கையின் உதாரணம் ‘ஈரநிலங்களின் நிகர இழப்பு இல்லை’. இது ஒரு வீதி அல்லது ரயில் இணைப்பு போன்ற தேசிய முக்கியத்துவம் வாய்ந்த திட்டத்திற்காக இல்லாமல் அரச ஈரநிலங்களை அழிக்க முடியாது என்ற தொடர்புடைய விதிமுறைகளைக் கொண்டிருக்கலாம், பின்னர் தீங்கைத் தவிர்த்தல். தீங்கைக் குறைத்தல் அல்லது தீங்கை  ஈடுசெய்வற்காக  ஒரு திட்டமிடல் செயல்முறை மேற்கொள்ளப்பட வேண்டும்.

கொள்கை வகுப்பாளர்கள் அல்லது முடிவெடுப்பவர்கள் யார்?

கொள்கை வகுப்பவர் அல்லது முடிவெடுப்பவர் என்பது கொள்கையை வகுத்தல் அல்லது திருத்துதல் மற்றும் முடிவுகளை எடுப்பதற்கு பொறுப்பான அனைத்து நபர்களையும் உள்ளடக்கிய பரந்த கருத்தைத் தரும் பதமாகும். இது நாட்டிற்கு நாடு மாறுபடும் ஆனால் அரசாங்க அமைச்சர்கள், பாராளுமன்ற உறுப்பினர்கள், அவர்களின் ஆலோசகர்கள் மற்றும் அரச ஊழியர்களை உள்ளடக்கியிருக்கலாம். சில கொள்கை துறைகளில், ஒரு குறிப்பிட்ட துறையில் நிபுணத்துவ அறிவைக் கொண்ட மற்றும் கொள்கை உருவாக்கும் செயல்முறை மற்றும் முடிவுகளை எடுப்பதில் பங்கு வகிக்கும் சுற்றுச்சூழல் துறைகள் போன்ற அரச நிறுவனங்களின் ஊழியர்களும் இதில் அடங்குவர்.

அரசாங்க செயற்பாடு பெரும்பாலும் கொள்கை மற்றும் முடிவெடுக்கும் இரண்டு பகுதிகளைக் கொண்டுள்ளது.

• ஒழுங்குமுறை - ஒரு விதி, சட்டம் அல்லது செயல் பின்பற்றப்படுகிறதா இல்லையா என்பதை அரசாங்கத் திணைக்களம் சரிபார்க்கிறது. உதாரணமாக, ஒரு நிறுவனம் சட்டரீதியான நீரின் மட்டத்திற்கு கீழே ஆற்றில் மாசுபட்ட நீரை  வெளியேற்றுகிறதா என்பதை அடையாளம் காண சுற்றுச்சூழல் துறை ஆற்று நீரின் தரத்தை தொடர்ந்து கண்காணிக்கும்.
• முகாமைத்துவம் மற்றும் அபிவிருத்தி - ஒரு அரச திணைக்களம் ஒரு குறிப்பிட்ட இடத்தில முகாமைத்துவத்தை வழங்குகிறது அல்லது ஒரு அபிவிருத்தித் திட்டத்தை வழங்குகிறது. உதாரணமாக, போக்குவரத்துக்கு பொறுப்பான ஒரு அரசாங்கத் திணைக்களம். கால்வாய்களைத் துப்புரவு செய்யும் பணியில் ஈடுபடலாம், அதே நேரத்தில் மற்றொரு அரச திணைக்களம் சுற்றுலா மற்றும் ஈரநில விருந்தினர் மையத்தை உருவாக்கலாம்.

கொள்கை வகுப்பாளர்கள் மற்றும் முடிவெடுப்பவர்கள் எடுக்கும் முடிவுகள் உங்களின் மற்றும் உங்கள் சமூகத்தின் அல்லது நீங்கள் பணிபுரியும் சமூகத்தின் வாழ்க்கையில் தினசரி அடிப்படையில் செல்வாக்கு செலுத்தப்படுகிறது.

கொள்கைகள் மற்றும் முடிவுகள் எப்படி மேற்கொள்ளப்படுகின்றன?

கொள்கை மற்றும் முடிவெடுப்பது பெரும்பாலும் பின்வருவனவற்றின் திட்டமிடல் மற்றும் முடிவெடுக்கும் சுழற்சியாக குறிப்பிடப்படுகிறது: கொள்கை மூலோபாயம்; திட்டங்களின் வளர்ச்சி; பொது ஆலோசனை மற்றும் நிகழ்ச்சிகளின் அறிவிப்பு; வரவு செலவு திட்டம்; நடைமுறைப்படுத்தல்; கண்காணிப்பு மற்றும் மதிப்பீடு மற்றும் பின்னர் கொள்கை மூலோபாயம். என்றாலும் உலகெங்கிலும் உள்ள பல அரசாங்கங்களுக்கு பின்வருபவையே யதார்த்தமாகும்.

• கொள்கை மற்றும் முடிவு எடுப்பது தனித்தனி நிலைகளில் அல்லது ஒரு சுழற்சியாக நடைபெறாது.
• கொள்கை வகுப்பாளர்கள் மற்றும் முடிவெடுப்பவர்கள் வரவு செலவுத்திட்ட கட்டுப்பாடுகள், பொதுக் கருத்து, அரசியல் கட்சிகள்  மற்றும் அவற்றின் பெறுமானங்கள் மற்றும் சித்தாந்தம், வெகுஜன ஊடகங்கள், ஆர்வக் குழுக்கள், நிகழ்வுகள், சமூக மற்றும் பொருளாதார நிலைமைகள் மற்றும் அறிவியல் ஆராய்ச்சி உள்ளிட்ட எளிய சுழற்சிக்குள் வராத பல்வேறு காரணிகளால் பாதிக்கப்படுகின்றனர். 
• கொள்கைகள் மற்றும் முடிவுகளின் விளைவுகள் பெரும்பாலும் மறைமுகமானவை மற்றும் தோன்றுவதற்கு நேரம் எடுக்கும். ஒரு அரசாங்கம் கையாளும் பிரச்சனைகளின் சிக்கலான தன்மையைக் கருத்தில் கொள்ளும் போது கொள்கை அல்லது முடிவின் தாக்கத்தைப் பார்ப்பது பெரும்பாலும் இலகுவானது அல்ல.

கொள்கை வகுப்பாளர்கள் மற்றும் முடிவெடுப்பவர்கள் ஏன் முக்கியத்துவம் பெறுகின்றனர்?

கொள்கை வகுப்பாளர்கள் மற்றும் முடிவெடுப்பவர்கள் ஏன் முக்கியத்துவம் பெறுகின்றனர் நன்மை பயக்கும் மாற்றத்தை அடைய ஒரு சிறந்த வழியாகும். கொள்கை வகுப்பாளர்கள் மற்றும் முடிவெடுப்பவர்கள் உங்களை பாதிக்கும் கொள்கைகள் மற்றும் முடிவுகளை மாற்ற அல்லது உருவாக்கும் செல்வாக்கையும் வாய்ப்பையும் கொண்டுள்ளனர். 

உலகெங்கிலும் கொள்கை மற்றும் முடிவெடுக்கும் பணிகள் மாறுபடும். இது ஒவ்வொரு சூழ்நிலையும் தனித்துவமானது மற்றும் பெரும்பாலும் சிக்கலானதாக இருக்கும், மேலும் சில சமயங்களில் முடிவெடுப்பவர்களுக்கு முன்னால் உங்கள் சமூகத்தின் அனுபவங்களையும் சிக்கல்களையும் எவ்வாறு கொண்டு செல்வது என்பதை அறிய இயலாது. எவ்வாறாயினும், கொள்கை வகுப்பாளர்கள் மற்றும் முடிவெடுப்பவர்களுடன் ஈடுபட உத்திகள் பயன்படுத்தப்படலாம் மற்றும் மாற்றத்தை ஏற்படுத்துவதற்கான உங்கள் வாய்ப்பை மேம்படுத்தலாம்.

முடிவெடுப்பவர்களை செல்வாக்கு செலுத்துவதற்கு  பல்வேறு நுட்பங்கள் உள்ளன ஆனால் ஒரு நீண்ட கால உரையாடல் மற்றும் முடிவெடுப்பவர்களுடனான ஒத்துழைப்பை வளர்ப்பதற்கான ஒரு பயனுள்ள அணுகுமுறை வீடியோ-மத்தியஸ்த உரையாடல் ஆகும்.

வீடியோ-மத்தியஸ்த உரையாடல் குறித்த பாடப் பகுதியைப் பார்வையிட கீழே உள்ள புத்தக ஐகானைக் கிளிக் செய்யவும்.

இப்போது, ​​இந்த அலகை கற்று முடித்த பிறகு, யார் கொள்கை மற்றும் முடிவெடுப்பவர்கள் என்பது பற்றியும் முடிவெடுப்பதை ஆதரிப்பதற்காக சமூக முகாமைத்துவம் மற்றும் கண்காணிப்பு முடிவுகளை பயன்படுத்துவதற்கு அவர்களுடன் எப்படி ஈடுபடுவது என்பதையும் நீங்கள் புரிந்துகொள்வீர்கள். உங்கள் அன்றாட வாழ்வில் கொள்கை மீதான தாக்கம் மற்றும் கொள்கை வகுப்பாளர்களுடன் ஈடுபடுவதன் முக்கியத்துவத்தை நீங்கள் அறிந்திருப்பீர்கள். கொள்கை மற்றும் முகாமைத்துவக் கட்டமைப்புகளில் சமூக முகாமைத்துவத்திலிருந்து முடிவுகளை நடைமுறைக்கு கொண்டுவருவது மேம்பட்ட சமூக மற்றும் சுற்றுச்சூழல் விளைவுகளுக்கு, குறிப்பாக நீண்ட கால மாற்றத்தை உறுதி செய்வதற்கு மிக முக்கியமானது.

குறிப்புகள்

Mistry, J. and Shaw, J. (2021). Evolving social and political dialogue through participatory video processes. Progress in Development Geography (in press).

Shaw, J. (2017). Pathways to accountability from the margins: reflections on participatory video practice. Making All Voices Count Research Report. IDS: Brighton (p.37).

ஏற்புகள்

https://www.publicengagement.ac.uk/do-engagement/understanding-audiences/policy-makers