၁.၁.၁ သင်ရော အင်တာနက်ပေါ်မှာ ဘာလုပ်သလဲ?
လုပ်ဆောင်မှု ၁ မှ စာရင်းအချက်အလက်များတွင် အင်တာနက်အသုံးပြုသူ အများစုသည် မိုဘိုင်းဖုန်းများမှတဆင့် အင်တာနက်ကို အသုံးပြုနေကြသည်ဆိုသော မြန်မာနိုင်ငံ၏ စိတ်ဝင်စားဖွယ် အင်တာနက်အသုံးပြုမှုပုံစံကို ဖော်ပြထားသည်။ ၎င်းတို့ အင်တာနက်အသုံးပြုသည့်အခါ မည်သည့်အရာများကို ပြုလုပ်ကြသနည်းဟု ကျွန်တော်တို့ နားလည်ရန် လိုအပ်လာပါသည်။ ယင်းမေးခွန်းအတွက် မြန်မာနိုင်ငံနှင်ဆိုင်သော အချက်အလက်များ ကျွန်တော်တို့တွင် မရှိသေးပါ။ သို့သော် ဥပမာအားဖြင့် ပုံ - ၁ တွင် ယူကေနိုင်ငံတွင် အင်တာနက်အသုံးပြုနေချိန် လုပ်ဆောင်မှုများနှင့် ယင်းလုပ်ဆောင်မှုများ ၂၀၀၇ နှင့် ၂၀၁၄ တွင် မည်သို့ ပြောင်းလဲသွားသည်ကို ဖော်ပြထားပါသည်။
လုပ်ဆောင်မှု ၂
ပုံ - ၁ ရှိ လုပ်ဆောင်မှုများကို ပြန်ကြည့်ပါ။ အင်တာနက်တွင် လုပ်စရာရှိသည်များ လုပ်ရန်အတွက် တစ်ပတ်လျှင် အချိန်မည်မျှ အသုံးပြုပါသလဲ။
လုပ်စရာ တစ်ခုချင်းစီအတွက် မိမိအတွေ့အကြုံကို စကားလုံးတစ်လုံး သို့မဟုတ် နှစ်လုံးဖြင့် အကောင်းဆုံး ဖော်ပြကြည့်ပါ။
နောက်ဆုံးအနေဖြင့် အွန်လိုင်းပေါ်တက်သည့်အခါ မည်သည့်ကျွမ်းကျင်မှုများကို အသုံးပြုပါသလဲ ဥပမာ တစ်ခုခုသည် လုံခြုံစိတ်ချရသည် သို့မဟုတ် စိတ်မချရဆိုသည့်အချက်အား မည်သို့ဆုံးဖြတ်ပါသလဲ။ သင့်အီမေးလ်တွင်ပါလာသည့် လင့်ခ်တစ်ခုခုအား မနှိပ်မိခင်တွင် စစ်ဆေးမှု ပြုလုပ်ပါသလား။ ယင်းသို့စစ်ဆေးခြင်းသည် အင်တာနက် ဘဏ်လုပ်ငန်းဆောင်ရွက်မှု သို့မဟုတ် လူမှုကွန်ယက်အကောင့်များကို ကာကွယ်ရာတွင် အမှန်တကယ် အရေးကြီးပါသည်။
၁ . ၁ အွန်လိုင်းတွင် ရှင်သန်နေထိုင်ခြင်း