အွန်လိုင်းတွင် လေ့လာသင်ယူခြင်း
မိတ်ဆက်
လွန်ခဲ့သည့် ဆယ်စုနှစ်အတွင်း အွန်လိုင်းမှ လေ့လာသင်ယူသည့် အတွေ့အကြုံသည် သိသာစွာ ပြောင်းလဲသွားပါသည်။ နည်းပညာ တိုးတက်လာသည့်အလျောက် လေ့လာမှုကို ပိုစိတ်ဝင်စားစရာကောင်းပြီး အပြန်အလှန်လုပ်ဆောင်နိုင်အောင်၊ လက်ရှိနေထိုင်ကျင့်ကြံလျက်ရှိသော လူနေမှုဘဝပုံစံနဲ့ ပိုပြီးကိုက်ညီအောင် အဆိုပါနည်းပညာကို အသုံးပြုရန် အခွင့်အလမ်းများလည်း တိုးပွားလာပါသည်။ သို့ဖြစ်၍ အချိန်မရွေး နေရာဒေသမရွေး သင်တကယ့်ကို သင်ယူလို့ရနေပါပြီ။
ကျွန်တော်တို့ ဘာကိုဆိုလိုသလဲ
Open Educatioanal Resources (OER) သည် သင်ကြားမှု၊ သင်ယူမှုနှင့် သုတေသန အထောက်အကူပြု အရင်းအမြစ်များဖြစ်ပါသည်။ ထိုအရင်းအမြစ်များသည် (က) အများပြည်သူပိုင်နယ်ပယ် သို့မဟုတ် (ခ) လူတိုင်းကို R ၅ လုံး ဆောင်ရွက်မှုများတွင် အမြဲတမ်း အခမဲ့ပါဝင်လုပ်ဆောင်ခွင့် ပေးထားသော ပုံစံတစ်ခုဖြင့် လိုင်စင်ချထားသည့် အရင်းအမြစ်များဖြစ်ပါသည်။
ဒီတစ်ပတ်တွင် ပထမဆုံးအနေဖြင့် အင်တာနက်မှတဆင့် လေ့လာသင်ယူမှုကို အထောက်အကူပြုရန် ဖန်တီးထားသော သင်ကြားမှု၊ သင်ယူမှုဆိုင်ရာ တီထွန်ဆန်းသစ်မှုအချို့ကို လေ့လာစမ်းသပ်ခွင့်ရမှာဖြစ်ပါသည်။ အွန်လိုင်းတက္ကသိုလ်များ အားလုံးတွင် တစ်ပုံစံတည်းသော တီထွင်ဆန်းသစ်မှုများ ရှိမည်မဟုတ်သော်လည်း ဘာကိုမျှော်လင့်ထားရမလဲ ဆိုသည်ကိုပေးနိုင်ပါသည်။ လေ့လာနိုင်သည့် တီထွင်ဆန်းသစ်မှု ၃ ခုရှိပါသည်။ သုံးခုစလုံးကို The Open University ကဖန်တီးထားပါသည်။ ယင်းတို့အားလုံးသည် Open Educatioanal Resources (OER) များပင်ဖြစ်ပါသည်။. ပထမတစ်ခုက ခေတ်သစ်အစောပိုင်း ဥရောပ (Early Modern Europe) ကိုအခြေခံသည့် သမိုင်းကြောင်းဆိုင်ရာ ဂိမ်းတစ်ခုဖြစ်ပြီး ဒုတိယတစ်ခုက တရုတ်ဘာသာစကား အပ္ပလီကေးရှင်းတစ်ခု ဖြစ်ပါသည်။ တတိယတစ်ခုက OpenScience Laboratory (OSL) မှ စမ်းသပ်မှုတစ်ခု ဖြစ်ပါသည်။ သိပ္ပံအကြောင်း၊ တရုတ်နိုင်ငံသမိုင်းအကြောင်းနှင့် ဥရောပသမိုင်းတို့အကြောင်း ဘာမှမသိလည်း စိုးရိမ်စရာမရှိပါ။
ကျေးဇူးပြု၍ မှတ်သားထားပါ။
သမိုင်းဆိုင်ရာ လေ့ကျင့်ခန်းနှင့် OSL လေ့ကျင့်ခန်းများကို စားပွဲတင်ကွန်ပျူတာနှင့် တက်ဘလက် နှစ်ခုလုံးဖြင့် လုပ်နိုင်ပါသည်။ တရုတ်ဘာသာစကား လေ့ကျင့်ခန်းကို တက်ဘလက်နှင့် စမတ်ဖုန်းများဖြင့် လုပ်၍ရပါသည်။ မိမိအချိန်ရသည့်အပေါ် မူတည်ပြီး ၂ ခုသို့မဟုတ် ၃ ခုလုံးလုပ်နိုင်ပါသည်။