မိမိ၏ အွန်လိုင်းလေ့လာသင်ယူမှု အတွေ့အကြုံများ
မိမိသည် အွန်လိုင်းပေါ်တွင် လေ့လာသူတစ်ယောက်ဖြစ်သည် ဆိုသည်ကို သဘောတူမည်ဟု မျှော်လင့်ပါသည်။ လေ့လာသင်ယူသူတစ်ယောက် မဟုတ်ဘဲ အွန်လိုင်းတက်သုံးရန် မဖြစ်နိုင်သောကြောင့် ဖြစ်ပါသည်။
အခန်း ၁.၁.၁တွင် အွန်လိုင်းတွင် မိမိလုပ်ဆောင်မှုများ၏ အကြောင်းကို စဉ်းစားခဲ့ပြီဖြစ်သည်။ ပြီးခဲ့သည့်အခန်းမှာ ပါဝင်ခဲ့သည့် အင်တာနက် လုပ်ဆောင်မှုများမှ တစ်ခုကိုအသုံးပြု၍ အောက်ပါမေးခွန်းများကို ဖြေဆိုပါ။
- ဘာလုပ်ခဲ့ပါသလဲ?
- ဘာကြောင့် လုပ်ပါသလဲ?
- ဘာတွေ လေ့လာခဲ့လဲ?
- အဲဒါနှင့်ဆက်စပ်ပြီး တခြားဘာဆက်လုပ်ဖြစ်သွားလဲ?
- ဘာကျွမ်းကျင်မှုရခဲ့သလဲ?
အောက်ပါ ဇယား ၁ တွင် နမူနာတစ်ခုကို ဖော်ပြပေးထားပါသည်။
ဘာလုပ်ခဲ့ပါသလဲ? | ကိုဗစ်-၁၉ ကပ်ရောဂါကာလအတွင်း ပစ္စည်းများဝယ်ယူရန် စိတ်ချရသည်ဟု မိမိသူငယ်ချင်းတစ်ယောက်က ပြောပြသည့် အခုမှဖွင့်သည့်စျေးအသစ်တစ်ခု အကြောင်းကို ရှာဖွေလေ့လာခဲ့ပါသည်။ |
ဘာကြောင့် လုပ်ပါသလဲ? | အဲဒီမှာ စျေးဝယ်ရတာ လုံခြုံဘေးကင်းပါ့မလား သိချင်လို့ပါ။ |
ဘာတွေ လေ့လာခဲ့လဲ? | စျေးဖွင့်ချိန် ၊ စျေးလာသူ နည်းလား၊ များလားနှင့် ဝယ်ချင်သော ပစ္စည်းများရနိုင်မှု ရှိ၊ မရှိ။ |
အဲဒါနှင့်ဆက်စပ်ပြီး တခြားဘာဆက်လုပ်ဖြစ်သွားလဲ? | အဲဒီစျေးမှာ သွားဝယ်ဖို့ ကြိုတင်စာရင်းပေးထားရတာကို သိရတယ်။ စျေးဝယ်လှည်းကို သုံးတဲ့အခါ ဘေးကင်းမှုနဲ့ပတ်သက်လို့ သိရတယ်။ |
ဘာကျွမ်းကျင်မှုရခဲ့သလဲ? | အင်တာနက်ပေါ်မှာ ရှာဖွေတာပါ။ |
အချိန်ရမယ်ဆိုရင် နောက်ထပ် နမူနာတစ်ခုခုအတွက် ဒီလေ့ကျင့်ခန်းကို ထပ်လုပ်ကြည့်ပါ။
ဒီတော့ အွန်လိုင်းလေ့လာမှုနဲ့ ပတ်သက်လို့ ဒါကဘာတွေပြောသလဲ။ အွန်လိုင်းပေါ်မှာ အမျိုးမျိုးအဖုံဖုံ လုပ်ကိုင်ဆောင်ရွက်ခဲ့တယ် ဆိုတာကို သိရလို့ အံ့သြသွားမှာ ဖြစ်ပါတယ်။ ဒါမှမဟုတ် လေ့လာသင်ယူမှု ရှုထောင့်ကနေ ကြည့်ရလို့ အံသြသွားမှာပါ။ အံ့သြသွားတယ်ဆိုရင် ကျွန်တော်တို့ဟာ အမြဲလေ့လာသင်ယူနေတယ် ဆိုတာကို အမှတ်ရပါ။ ကျွန်တော်တို့ရဲ့ မျက်စိရှေ့မှောက်က ကမ္ဘာကြီးကိုနားလည်ဖို့ တစ်ခုတည်းသောနည်းလမ်း ဖြစ်ပါတယ်။ အဲဒီကမ္ဘာကြီးမှာ အင်တာနက်က ပိုပိုပြီးတော့ အရေးပါတဲ့အခန်းကနေ ပါဝင်နေပါတယ်။
၁.၁.၂ အွန်လိုင်းပေါ်တက်ခြင်းမှ အွန်လိုင်းတွင် လေ့လာြခင်းသို့