၁.၃.၂ ကိုယ်တိုင် ရှာကြည့်ပါ။

ဗီဒီယိုထဲတွင် ဗင်းဆင့်လုပ်သလို search engine တစ်ခုခုကိုသုံးပြီး ပထမကမ္ဘာစစ်အတွင်း သေကြေဒဏ်ရာရနှုန်းကို ကိုယ်တိုင် အင်တာနက်ပေါ်တွင် ရှာဖွေကြည့်ပါ။ သင်ရှာလိုက်လျှင် Wikipedia လင့်ခ်တစ်ခုခုကို ထိပ်ဆုံးမှ တွေ့ရဖို့ များပါသည်။ ဗီဒီယိုထဲတွင် တွေ့ခဲ့ရသည့်အတိုင်း ထိုနေရာမှ စရှာခြင်းသည်လည်း ကောင်းပါသည်။ ထို့ကြောင့် ဂျာမနီ၊ ရုရှား၊ ပြင်သစ်နှင့် ဆားဘီးယားအပါအဝင် အခြားနိုင်ငံများ၏ သေကြေဒဏ်ရာရနှုန်းကို မှတ်သားပါ။ နောက်ထပ် နိုင်ငံများထပ်ဖြည့်ချင်လည်း ရပါသည်။ မည်သည့်နိုင်ငံများတွင် အရပ်သားသေဆုံးမှု အများဆုံးဖြစ်ပါသလဲ။ မည်သည့်နိုင်ငံသည် စစ်သည်အများဆုံး ဆုံးရှုံးခဲ့ပါသလဲ။

ထိုကိန်းဂဏန်များကို History Learning ဝဘ်ဆိုက် သို့မဟုတ် ပြီးခဲ့သည့်အခန်းတွင် ဖော်ပြခဲ့သည့် တခြားဆိုက်များကဲ့သို့ မတူသော အရင်းအမြစ်တချို့နှင့် နှိုင်းယှဉ်ကြည့်ပါ။

အောက်ပါကိန်းဂဏန်းများမှာ ဂျာမနီ၊ ရုရှား၊ ပြင်သစ်နှင့် ဆားဘီးယားတို့အတွက် ကျွန်တော်တို့ရှာထားသည့် ကိန်းဂဏန်းများ ဖြစ်ပါသည်။

စစ်ဖက်သေကြေဒဏ်ရာရမှု ကိန်းဂဏန်းများမှာ The Cambridge History of the First World War (Winter, 2014) မှ ထုတ်နုတ်ထားသည့် နောက်ဆုံးရ ခန့်မှန်းချက်များဖြစ်ပါသည်။

အရပ်သားသေဆုံးမှု ကိန်းဂဏန်းများကို Wikipedia (၂၀၁၅) မှထုတ်နုတ်ထားပြီး ငတ်မွတ်ခြင်းနှင့် ရောဂါဒဏ်ကြောင့် သေဆုံးခြင်းများအပြင် စစ်ပွဲကြောင့် သေဆုံးရမှုများကိုပါ ထည့်သွင်းထားပါသည်။

မိမိရှာဖွေတွေ့ရှိမှုများကို ပြန်စဉ်းစားသုံးသပ်ပါ။ မည်သည့် ဝက်ဘ်ဆိုက်တွင် အချက်အလက်များ ရှာဖွေခဲ့ပါသလဲ။ ထိုဝဘ်ဆိုက်များကို စိတ်ချယုံကြည်ရသော အရင်းအမြစ်များဟု ယူဆပါသလား။ အပေါ်မှာ ကျွန်တော်တို့ပေးထားသည့် ကိန်းဂဏန်းများနှင့် နှိုင်းယှဉ်လျှင် သင်ရှာထားသည့် ကိန်းဂဏန်းများက မည်သို့ရှိပါသလဲ။ ကွဲပြားမှုရှိလျှင် မည်သည့်အကြောင်းကြောင့်ဟု ထင်ပါသလဲ။