၂.၁.၃ မီးတောက်စမ်းသပ်ချက်ရလဒ်များ
မီးတောက်စမ်းသပ်ချက်မှ အရောင်များဖြစ်ပါသည်။ ဘယ်လောက်နီးစပ်ပါသလဲ။
ယခုအခါ ခေတ်သစ် ဓာတုဗေဒပညာရှင်များတွင် အမျိုးအမည်မသိသည့် ဓာတုဗေဒပစ္စည်း (သို့) ဓာတုဗေဒပစ္စည်း အရောအနှောကို ခွဲခြားရန် ကိရိယာများ စုံလင်စွာရှိနေပြီ ဖြစ်သည်။ ထိုသို့မရှိခင်က မီးတောက်စမ်းသပ်ချက်သည် ဓာတုဗေဒပစ္စည်းများအား ခွဲခြားရာတွင် အရေးပါခဲ့သည်။ မီးတောက်စမ်းသပ်ချက်တွင် တွေ့ရှိသည့်ဓာတုဗေဒစ္စည်းပေါ် မူတည်ကာ မီးတောက်က ကွဲပြားသည်။ ဓာတုပစ္စည်းအတွင်းမှ အီလက်ထရွန်ကို မီးဖြင့်အပူပေးပါက စွမ်းအင်တိုးပွားလာသည်။ အီလက်ထရွန်သည် မပြေလျော့ခင်တွင် လှုံ့ဆော်ထားသည့် အခြေအနေအတိုင်း တည်ရှိသည်။ ပြေလျော့သွားပါက ဖိုတွန်တစ်ခုကို ထုတ်လွှတ်သည်။ ဖိုတွန်၏စွမ်းအင်နှင့် အရောင်သည် အပူပေးခံရသည့် ဓာတ်ပစ္စည်းပေါ်တွင် မူတည်သည်။
မီးတောက်စမ်းသပ်ချက်တွင် မြင်ရသော အရောင်ကွဲပြားမှုများကို မီးရှုးမီးပန်းများတွင် မြင်တွေ့နိုင်သည်။ မီးရှုးမီးပန်းများက ဓာတုဓာတ်ပစ္စည်း အမျိုးမျိုးကိုသုံးပြီး အဆိုပါဓာတ်ပစ္စည်း တစ်ခုစီက ကွဲပြားသောအရောင်တစ်ခုစီ ပေးပါသည်။ မီးရှူးမီးပန်းများတွင်သုံးသော ဓာတ်ပစ္စည်းများကို အောက်ပါ ဇယား - ၁ တွင် ဖော်ပြထားသည်။
| အနီ | Strontium or lithium salts |
| လိမ္မော် | Calcium salts |
| ရွှေရောင် | Iron |
| အဝါ | Sodium salts |
| အစိမ်း | Barium salts |
| အပြာ | Copper salts |
| ခရမ်း | Mixture of strontium (အနီ) and copper (အပြာ) salts |
| အဖြူ | Magnesium or aluminium |
၂.၁.၂ The OpenScience Laboratory