၂.၂.၁ မိမိကိုယ်တိုင်၏ လေ့လာသင်ယူမှုကို စီမံခန့်ခွဲခြင်း
အွန်လိုင်းမှ သင်ယူသူတစ်ဦးအနေဖြင့် မိမိ၏လေ့လာချိန်အများစုကို စီမံခန့်ခွဲရန် တာဝန်ရှိကြောင်းကို နားလည်သဘောပေါက်ရန် အရေးကြီးသည်။
အလုပ်နှင့် မိသားစုကဲ့သို့သော အခြားတာဝန်ဝတ္တရားများရှိသဖြင့် အွန်လိုင်းမှသင်ယူလေ့ရှိတာ ဖြစ်သည်။ ဆိုလိုသည်မှာ ဖယ်ထားနိုင်သောအချိန်သည် နေ့တက်ကျောင်းသားများထက် ပို၍အကန့်အသတ်ရှိနေနိုင်ပြီး ပိတ်ရက်နှင့် ညဘက်ကဲ့သို့ လေ့လာချိန်အားဖြင့်လည်း တူညီမည်မဟုတ်ပေ။ လေ့လာသည့် သင်တန်းယူနစ်တစ်ခု သို့မဟုတ် သင်တန်းတွင် လေ့ကျင့်ခန်းများ ဖြေဆိုခြင်းနှင့် ပေးအပ်ထားသောအလုပ်များ တင်ပြခြင်းတို့အတွက် ရက်စွဲအတိအကျ သတ်မှတ်ထားခြင်းနှင့်အတူ ပုံသေအချိန်ဇယားပါ ရှိနေတတ်သည်။ သို့သော်လည်း အွန်လိုင်းသင်ယူမှုသည် အပတ်စဉ် ပုံသေအချိန်ဇယား သတ်မှတ်ထားခြင်း မရှိတတ်သလို နေ့တက်ကျောင်းသားများနှင့်မတူဘဲ မိမိလေ့လာရန်နေရာကိုလည်း ရှာဖွေထားဖို့ လိုအပ်မည်ဖြစ်သည်။
အမှီအခိုကင်းသော သို့မဟုတ် မိမိကိုယ်ကိုယ် ထိန်းကျောင်းသော သင်ယူသူဖြစ်ရန် လိုပေသည်။ အမှီအခိုကင်းသော အွန်လိုင်းမှ လေ့လာသူဆိုသည်မှာ -
အချိန်ကို ထိရောက်စွာစီမံနိုင်ခြင်း၊ မိမိအပေါ်တောင်းဆိုမှုများကို ဟန်ချက်ညီစွာ ဖြည့်ဆည်းနိုင်ခြင်း၊ သတ်မှတ်ရက်အတွင်း ဆောင်ရွက်နိုင်ခြင်း၊ အခြားကျောင်းသားများနှင့် ထိရောက်စွာ ပူးပေါင်းဆောင်ရွက်နိုင်ခြင်းနှင့် သင်ယူမှုကိုမြှင့်တင်ရန် ကွန်ပျူတာအသုံးပြုနိုင်ခြင်းတို့ ဖြစ်ပါသည်။
အောက်ပါဗီဒီယိုတွင် အွန်လိုင်း ကျောင်းသူကျောင်းသားတချို့က အလုပ်တဖက်၊ ကလေးထိန်းရတာတဖက်ဖြင့် ပညာရှာပုံနှင့် ထိုသို့လုပ်နိုင်ရန် ရုပ်ပိုင်း၊ စိတ်ပိုင်းဆိုင်ရာနေရာများ ဖန်တီးထားပုံတို့ကို ပြောပြထားပါသည်။ ဗီဒီယိုကြည့်စဉ် ထိုသူတို့သည် အမှီအခိုကင်းသော လေ့လာသင်ယူသူများဖြစ်သည့် အထောက်အထားများကို ရှာဖွေကြည့်ပါ။
Transcript
အခုဆိုလျှင် ဗီဒီယိုတွင်ပါသော ကျောင်းသူကျောင်းသားများ၏ အတွေ့အကြုံများကို နားထောင်ပြီးပါပြီ။ မိမိအခြေအနေများနှင့် မိမိက အမှီအခိုကင်းသော လေ့လာသသင်ယူသူတစ်ယောက် ဟုတ်မဟုတ်ကို စဉ်းစားကြည့်ပါ။
- မိမိ၏ လက်ရှိတာဝန်ဝတ္တရားများက အဘယ်နည်း။
- လေ့လာရန် တစ်ပတ်လျှင် အချိန်မည်မျှ ဖယ်ထားနိုင်သနည်း။ မည်သည့်အချိန်များ ဖြစ်သနည်း။
- လေ့လာရေးလုပ်ရန် နေရာတစ်နေရာ ရှိပါသလား။
- အမှီအခိုကင်းသော လေ့လာသင်ယူသူတစ်ဦး၏ မည်သည့်လက္ခဏာများ သင့်တွင်ရှိနေပါသနည်း။
- အမှီအခိုကင်းသော လေ့လာသင်ယူသူတစ်ဦး၏ မည်သည့်လက္ခဏာများကို ရယူရန်လိုပါသနည်း။
- လေ့လာသင်ယူမှုပြုနိုင်ရန် ဘဝတွင် မည်သည့်ပြောင်းလဲမှုများ ပြုလုပ်ရမည်နည်း။
၂.၂ အွန်လိုင်းတွင် မည်သူနှင့် အလုပ်အတူတူ လုပ်သလဲ။