Am gonnae push ma luck here an suggest thit among the maist creative genre of creative writin surley his tae be students’ assessment scripts! In terms o imagination, if no theoretical accuracy, they haud a high rank. 

The shift tae adoptin this context fur ma Reflective Account his been brough aboot mainly due the continued logistical problems a hiv encountert wi these application tasks an the student cohort a hiv focussed oan. 

In addition, a latched on tae the comments in wan ae thi Model Answers which highlightit Linda Bruce’s comments oan mental distress and the socialisation process’ impact oan thi yuyise ae Scots. This is precisely thi contexts ma students ur wurkin fae. Whilst a teach a mental health unit, a double credit at Level 6, mental wellbeing an distress ur ripe fur considerations during oor foray intae Scots an wan a fully intend tae develop furur. 

This lessun focusset oan resources available tae candidates tae deepen thur unnerstaunbin ae Scots an, importantly, its yuise in the classroom an professional lives. A’ve attached a coapy o the PowerPoint presentation. During thi lesson we emarkit oan an acitvity (also attached). This drew upon Scots wurds we hid encounterit afore. A wantit tae encourage thi candidates tae explore thur ain meanins an thi connotations they attachit tae these wurds. A kin see how in thi long-term a cud encourage creative ritin an, a think, this is a way fur me tae develop oor yuise ae Scots. 

Hoever, At this point it is pertinent tae reflect ower ma logistical problems as hintit at above. 

A teach adult returners. Alang wi thur pre-existing domestic and relationship commitments they ur also in the throes ae yooni offers (Thi class a huv focussed oan ur a Scottish Wider Access Programme; Access tae Social Wurk (SWAP)) group. Soam o these SWAP students ur gettin thur ideal offers, we hiv fower yoonis in oor area offerin Social Wurk unnergraduate courses. Ithers are being rejectit or hiv shiftit thur ain thinkin; pursuin Humanities an sic lik. Mony ae them, especially thi wans bein rejectit ur voatin wi thur feet-hopefully this is a temporary state o affairs. This resultit in thi class stairtin wi five candidates and wis quickly reduced tae three when twa candidates realised thit a wis gaun ower Scots tae assisit thir assessment; they hid aready focussed thur responses oan ither techniqueds evident in the assessment subject piece. 

Nanetheless, an undaunted, thi three amigos an masel embarked oan thi class. Thi original plan wis tae produce a short piece; a personal reflection or a flyte at masel. Given thi numbers tho, a'm hoppin a hiv convinced twa ae them tae yuise Scots oan thir scripts. In oither wurds, tae anser the task in Scots. This is a furst fur me an a sincerely hope they rise tae the challenge. In addition tae thi resources a explore in the presentation a hiv reassured thi concerns ower spellin; a hiv disclosed ma ain attempts tae them an reflectit ower thi advice in the Unit tae tri tae be consistent. 

Whilst a’m grateful fur the reminder ae Gibbs Reflective Cycle an, a course this is yaised extensively in healthcare profeshional contexts, A hiv a tendency tae draw upoan Critical Incident Analysis (CIA) fur ma reflective practices. This form is widely yaised in Social Wurk circles an his been particularily useful tae me ower the years. 

Ma analyses huv exposed ma ain lack ae consistency a a fundamental an critical theme emergin fae ma reflection an analyses ae incidents. Scots his tae be mair embedit in ma general treachin an, specifically in thi Literature 1 unit a deliver tae this cohort, yaised throughout the Support Pack ah hiv creatit tae support thi unit. In addition a hiv tae broach the notion mair strongly.  

Whilst a dae introduce Scots early oan, it gets left by the wayside whilst we pursue ither themes an techniques. A also hiv tae rejig the Support Pack tae not onli bolster the yuise ae Scots but also bring in creative ritin.