Wythnos 5: Canfod, defnyddio a rhannu deunyddiau addysgol ar-lein

Cyflwyniad

Mae’r rhyngrwyd yn cynnwys toreth o ddelweddau, gwerslyfrau, fideos, gwrthrychau dysgu a mwy, y gallai athrawon eu cymryd a’u defnyddio wrth addysgu. Fodd bynnag, mae hyn yn creu cyfleoedd a heriau i athrawon ar-lein. Nid oes modd ailddefnyddio’r holl adnoddau hyn yn rhwydd o ganlyniad i gyfyngiadau hawlfraint neu eiddo deallusol.

Yr wythnos hon, byddwn yn archwilio’r pwnc hwn ac yn canolbwyntio’n benodol ar Adnoddau Addysgol Agored (OER). Deunyddiau ar-lein yw’r rhain a rannwyd gyda’r bwriad o alluogi pobl eraill i’w hailddefnyddio. Byddwch yn dysgu am drwyddedau Creative Commons, sy’n sail i OER, ac y gallwch eu cymhwyso i rannu’ch gwaith eich hun. Mae’r rhain yn egluro pa ganiatadau yn union sy’n bodoli i ailddefnyddio’r adnoddau a rennir, ac yn rhoi dewisiadau i chi ynglŷn â sut gall yr adnoddau a rannwyd gennych chi gael eu hailddefnyddio gan bobl eraill. Yn olaf yr wythnos hon, byddwch yn archwilio rhai storfeydd a ffyrdd eraill o ddod o hyd i OER i’w hailddefnyddio a’u haddasu at ddibenion gwahanol yn eich cyd-destun chi.