1.7 Kukagua wasifu wa jamii
Ulijifunza jinsi ya kukagua wasifu wa jamii katika Kipindi cha 1 cha somo cha utunzaji katika ujauzito.
Unapaswa kujua idadi kamili ya watu unaoenda kuhudumia na jinsi ya kukusanya takwimu muhimu kama vile za uzazi, vifo na habari kuhusu uhamaji na uhamiaji wa watu katika sehemu hiyo. Unahitaji pia kuweka kumbukumbu ya wanawake wote walio katika umri wa uzazi (takribani miaka 15 hadi 45) ambao wanaweza kupata ujauzito siku za baadaye na iadadi ya wanawake wajawazito wakati huo na wanapotarajiwa kuzaa
Unapaswa kuandika majina na anwani za wakunga wote wa kienyeji, madaktari wa kienyeji, wanaouza dawa vijijini na madaktari wengineo wa kibinafsi. Sajili mifumo yote ya kijamii inayoweza kukusaidia kwa uhamasishaji wa raslimali za kibinadamu, kifedha na kiusafiri iwapo rufaa za dharura zitahitajika kwa mama na mtoto. Utajifunza kuhusu mfumo wa rufaa katika Kipindi cha mwisho cha somo katika moduli hili. Habari hii yote inafaa kutengenezwa na kuboreshwa zaidi kila baada ya miezi minne hadi sita.
Huenda usihitaji kuendesha umahasishaji wa jamii kivyake kwa utunzaji wa baada ya kuzaa. Uhamasishaji huu unapaswa kufanywa kwa pamoja na wa huduma za afya kwa kina mama, watoto wachanga na watoto katika jamii. Kisanduku 1.3 Ni muhtasari wa shughuli za uhamasishaji wa jamii ili kuendeleza utunzaji wa baada ya kuzaa.
Kisanduku 1.3 Huduma za baada ya kuzaa katika jamii
- Tembelea viongozi binafsi wa jamii, wakunga wa kienyeji, madaktari wa kienyeji ili kupata msaada wao
- Panga mikutano ya maelekezo kwa viongozi na watu mashuhuri.
- Pamoja na viongozi wa jamii na wakunga wa kienyeji andaa mikutano ya kuelimisha wanajamii kuhusu utunzaji baada ya kuzaa.
- Zuru nyumba kwa nyumba ili kuwafundisha wazazi na watunzaji kuhusu utunzaji baada ya kuzaa (picha 1.4)
- Sambaza vifaa vya habari, elimu na mawasiliano kwa viongozi na wanajamii.
1.6.3 Kujenga ushirikiano na watu mashuhuri katika jamii