8.5.1 Utaratibu wa UKM

Baada ya ya kumwelezea mama kuhusu utaratibu wa UKM (ama mhudumu mwingine kufanya hivyo) unafaa kufuata hatua zilizopeanwa katika jedwali 8.1

Kisanduku 8.1 Matayarisho ya UKM

  • Hakikisha kuwa chumba ni safi na chenye kiwangojoto mwafaka.
  • Hakikisha kuwa mama yuko faraghani hivi kwamba anaweza kufungua sehemu ya mbele ya nguo yake na kutoa matiti yake.
  • Mshauri mama aketi au kuegemea barabara.
  • Mvue mtoto nguo zote kwa utaratibu isipokuwa chepeo, nepi na sokisi.
  • Mlaze mtoto tambarare, huku akimtaza mama kwa hali ya uwimawima na kutandazika katikati mwa matiti ya mama, mwili wake ukiguzana na wa mama.
  • Geuza kichwa cha mtoto upande mmoja ili kufungua njia za kupumua. Mweke mtoto katika hali hii kwa saa 24 kila siku, isipokuwa kwa vipindi vifupi vya mapumziko.
  • Mfunike mtoto kwa shuka au gauni la mama, umfunge kwa blanketi ya ziada, kisha umvishe chepeo kichwani.
  • Mnyonyeshe mtoto mara kadhaa, angalau mara 8 -12 kila siku.
Mchoro 8.4 Mtoto na mama wanaweza kulala panoja wakati wa UKM.

Mhakikishie mama kuwa mtoto anaweza kupokea utunzaji muhimu wa kila siku, ikiwa ni pamoja na kunyonyesha, wakati wa UKM. Mtoto huondolewa kutoka hali ya kuguzana na mama wakati wa kumbadilisha nepi, usafi wa jumla wa kimwili, utunzaji wa kitovu na uchunguzi wakati wa ziara. Mama anahitaji kulala kitandani siku 3 - 5 tu za kwanza baada ya kuzaa. Hali ya mtoto inapokuwa dhabiti, mama anaweza kutembea na kufanya kazi zake za kawaida huku mtoto akiwa katika UKM, na wanaweza kulala pamoja usiku wakifuata njia ya UKM.

8.5 Utunzaji wa aina ya Kangaruu wa Mama kwa Mtoto

8.5.2 Kubaini kama mtoto yuko salama katika UKM