ဒစ်ဂျစ်တယ်နည်းပညာ ကျွမ်းကျင်မှု

ဒစ်ဂျစ်တယ်နည်းပညာ ကျွမ်းကျင်မှုဆိုသည့် ‌ဝေါဟာရတွင် စွမ်းဆောင်ရည် အမျိုးမျိုးပါဝင်သည်။ ၎င်းဝေါဟာရကို အဓိပ္ပာယ်အမျိုးမျိုး ဖွင့်ဆိုကြပြီး ကွန်ပျူတာကို အခြေခံအဆင့် နားလည်အသုံးပြုနိုင်ခြင်းကစ၍ အဆင့်မြင့် ကွန်ပျူတာဆော့ဝဲရေးဆွဲခြင်း အဆင့်မြင့်နည်းပညာ အသုံးပြုခြင်းတို့ထိ ပါဝင်သည်။

ဒစ်ဂျစ်တယ်နည်းပညာ ကျွမ်းကျင်မှုတွင် ထိရောက်စွာရှာဖွေခြင်း၊ အင်တာနက်မှရရှိလာသော အချက်အလက်များ မှန်၊ မမှန် အကဲဖြတ်ခြင်း၊ အခြားသူများနှင့် ဆက်သွယ်ခြင်းနှင့် မျှဝေခြင်းဖြစ်စေ လိုအပ်ချက် တစ်စုံတရာအတွက် သင့်တော်သော ဒစ်ဂျစ်တယ် သို့မဟုတ် အွန်လိုင်းကိရိယာများကို ရှာဖွေသည်ဖြစ်စေ အွန်လိုင်းတွင် လူတိုင်းထိထိရောက်ရောက် လုပ်ကိုင်ဆောင်ရွက်နိုင်ရန် လိုအပ်သည့် ကျွမ်းကျင်မှုများ ပါဝင်သည်။

ထိုကျွမ်းကျင်မှုများသည် ကျွန်တော်တို့၏ ဘဝနယ်ပယ်အားလုံးတွင် ပျံ့နှံ့နေသော ကျွမ်းကျင်မှုများဖြစ်သည်။ လုပ်ဆောင်မှု (၂.၁) တွင် လုပ်ခဲ့သည်များကို ပြန်တွေးကြည့်ပါက ကိစ္စတော်တော်များများသည် နေ့စဥ်ဘဝနှင့် ပတ်သက်နေသည်ကို တွေ့ပါလိမ့်မည်။ သို့သော်လည်း အဆိုပါလုပ်ဆောင်မှုများနှင့် ကျွမ်းကျင်မှုများသည် လုပ်ငန်းခွင်တွင် ထက်မြက်နေရန် အထောက်အကူပြုပါသည်။ အလုပ်ခေါ်စာများတွင်လည်း ထိုအရည်အချင်းများကို ဖော်ပြထားတာတွေ့ရလိမ့်မည်။ အဝေးမှ လုပ်ဖော်ကိုင်ဖက်များနှင့် အွန်လိုင်းမှ အလုပ်လုပ်နိုင်ခြင်းကလည်း တချို့အလုပ်အတွက် မရှိမဖြစ်လိုအပ်သည့် အရည်အချင်းတစ်ရပ်ဖြစ်နိုင်သည်။ ဒစ်ဂျစ်တယ်နည်းပညာ ကျွမ်းကျင်မှုသည် ပညာရေးတွင်လည်း အလွန်အရေးပါပြီး သုတေသနလုပ်ခြင်း၊ အခြားကျောင်းသားများနှင့်အတူ ပူးပေါင်းလုပ်ဆောင်ခြင်းနှင့် အလုပ်တာဝန်များအတွက် ရေးသားခြင်းတို့တွင် သိသိသာသာ အကျိုးသက်ရောက်နိုင်သည်။ အတွေ့အကြုံ၊ ယုံကြည်မှုတို့နှင့်အတူ မိမိ၏ဒစ်ဂျစ်တယ်နည်းပညာ ကျွမ်းကျင်မှုများကို တခြားနယ်ပယ်များသို့ ဖြန့်ဝေနိုင်ပါသည်။

လုပ်ဆောင်မှု (၂.၂) ကျွမ်းကျင်မှုများကို ရှာဖွေဖော်ထုတ်ခြင်း

Timing: (၁၅) မိနစ်ခန့် အသုံးပြုပါ။

ဒစ်ဂျစ်တယ်နည်းပညာ ၀န်းကျင်တစ်ခုတွင် မိမိအသုံးပြုသော ကျွမ်းကျင်မှုများကို ပြန်လည်သုံးသပ်ခြင်းသည် ၎င်းတို့ကိုအသုံးပြုရာ၌ ကိုယ့်ကိုယ်ကိုယ် မည်မျှယုံကြည်စိတ်ချသည်ကို အကဲဖြတ်ရန်နှင့် မည်သည့်ကျွမ်းကျင်မှုများကို ပိုတိုးတက်ကောင်းမွန်လိုကြောင်း ဖော်ထုတ်စေနိုင်မည်ဖြစ်သည်။ အောက်ဖော်ပြပါ ပတ်ဝန်းကျင်များမှ တစ်ခုကိုရွေးချယ်ပြီး အွန်လိုင်းတွင် ထိထိရောက်ရောက် လုပ်ကိုင်ဆောင်ရွက်နိုင်ရန် မည်သည့်စွမ်းရည်များ လိုအပ်မလဲဆိုသည်ကို စဉ်းစားပါ။ မိမိအမြင်များကို ရေးမှတ်ထားပါ။

  • အိမ်တွင် ဥပမာ အင်တာနက်ပေါ်၌ သိလိုသည်များကို မြန်မြန်ဆန်ဆန် မည်သို့ရှာဖွေရမည်ကိုသိခြင်း။
  • လုပ်ငန်းခွင်တွင် ဥပမာ သတ်မှတ်ရက်အမီ အစီရင်ခံစာများအတွက် သတင်းအချက်အလက်များကို လျင်မြန်စွာရှာဖွေနိုင်ခြင်း။
  • ပညာရေးတွင် ဥပမာ အွန်လိုင်းတွင် သုတေသနပြုလုပ်နိုင်ခြင်း။

ဇင်မင်းသန့်၏ ဥပမာဖြစ်သည်

အိမ်မှာဆိုလျှင် ကျွန်တော်သိထားဖို့ လိုသည်မှာ အလုပ်တွင် ကျွန်တော်သိထားဖို့ လိုသည်မှာ သင်ယူလေ့လာနေစဉ် ကွန်တော်သိထားဖို့ လိုသည်မှာ
သတင်းအချက်အလက်များကို ဘယ်မှာရှာရမလဲ မိမိအမြင်ကို အများနားလည်အောင် ကိန်းဂဏန်းသုတေသနများကို ဘယ်မှာရှာရမလဲ ဂျာနယ်ဆောင်းပါးများကို ဘယ်မှာရှာရမလဲ
ဘယ်သူ့ကိုမှ စိတ်အနှောင့်အယှက်မဖြစ်စေဘဲ မိမိအမြင်ကို အများနားလည်အောင် အွန်လိုင်းမှာ ဘယ်လိုဆက်သွယ်ရမလဲ။ ဆိုရှယ်မီဒီယာကိုအသုံးပြုခြင်း အပါအဝင် လုပ်ဖော်ကိုင်ဖက်များ၊ အလုပ်အပ်သူများ၊ ဝယ်ယူသုံးစွဲသူများနှင့် အွန်လိုင်းမှာ ဘယ်လိုဆက်သွယ်ရမလဲ။ အွန်လိုင်းမှာရေးတဲ့အခါ မိမိစာကိုဖတ်သူက ဘယ်သူလဲသိဖို့လိုပြီး အဲဒီစာဖတ်သူတွေနဲ့ သင့်တော်တာကို ရေးနိုင်အောင် ဘယ်လိုလုပ်မလဲ။ အဖွဲ့လိုက် လုပ်ကိုင်ဆောင်ရွက်ခြင်း၊ ဖိုင်မျှဝေခြင်း၊ တည်းဖြတ်ခြင်းတို့အတွက် နောက်ပြီး အွန်လိုင်းမှာ စာဘယ်လိုရေးမလဲ ဆိုတာအတွက်။
အွန်လိုင်းမှာ ဘယ်သူ့ကို၊ ဘာကို ယုံကြည်ရမလဲ။ ယုံကြည်အားထားနိုင်သည့် နောက်ဆုံးရ သတင်းအချက်အလက်များကို ဘယ်မှာရှာရမလဲ (သို့) အဆိုပါ အချက်အလက်များကိုရဖို့ အသင့်တော်ဆုံးလူကို သိထားခြင်း။ ယုံကြည်ထိုက်သည့် သတင်းရင်းမြစ်များကို ဘယ်မှာရှာရမလဲ

ဒစ်ဂျစ်တယ်ခေတ် သတင်းအချက်အလက်များ

ဒစ်ဂျစ်တယ်နည်းပညာ ကျွမ်းကျင်မှုများအတွက် မူဘောင်တစ်ခု