7.1 Codi trethi am y tro cyntaf ers 800 mlynedd

Yn 2018, cododd Llywodraeth Cymru y trethi cyntaf yng Nghymru ers 800 mlynedd. Treth gwarediadau tirlenwi a threth trafodiadau tir oedd y rhain, gan ddisodli treth dirlenwi a threth dir treth stamp y DU, yn y drefn honno.

Yn sgil codi'r trethi hyn, sefydlwyd Awdurdod Refeniw Cymru, sy'n gweithredu'n annibynnol ar Lywodraeth Cymru ac sy'n destun craffu gan Senedd Cymru.

O fis Ebrill 2019, pennodd Llywodraeth Cymru gyfradd treth incwm yng Nghymru. Gallai gweinidogion ddewis amrywio'r gyfradd neu ei chadw'n gyson â chyfraddau Gogledd Iwerddon a Lloegr. Cesglir trethi yn yr un ffordd heddiw gan CThEM.

Yn 2018, dechreuodd Llywodraeth Cymru ystyried pedair treth newydd, sef: treth tir gwag, ardoll gofal cymdeithasol, treth plastig untro a threth twristiaeth.

Maximise

Ffigur 11 Datganoli cyllidol (gallwch ddod o hyd i ddolen i gael rhagor o wybodaeth am hyn yn yr adran Darllen Pellach)

Dangos disgrifiad|Cuddio disgrifiad

Mae hwn yn sgrinlun o wybodaeth gyllidol gan Lywodraeth Cymru. Mae’n dangos rhannau ar y wefan lle gellir datgelu blychau Gwybodaeth am amrywiol ddatblygiadau treth o’r blynyddoedd diweddar. Dengys diagram ar waelod y sgrinlun nifer o ffynonellau incwm – Grant Bloc Cymru, Ardrethi annomestig, Cyfraddau Treth Incwm Cymru, Treth Trafodiadau Tir, Treth Gwarediadau Tirlenwi, Benthyca – y cyfan yn arwain i floc wedi ei labelu â 'Cyllideb Cymru’. O fewn y diagram hwn mae, Cyfraddau Treth Incwm Cymru, Treth Trafodiadau Tir a Threth Gwarediadau Tirlenwi wedi eu labelu’n benodol fel ‘Trethi Datganoledig’.

Ffigur 11 Datganoli cyllidol (gallwch ddod o hyd i ddolen i gael rhagor o wybodaeth am hyn yn yr adran Darllen Pellach)