Sehemu ya 2: Uchunguzi makini wa mimea
Swali Lengwa muhimu: Namna gani utawasaidia wanafunzi kuchunguza mimea katika maeneo yao?
Maneno muhimu: mimea; uzaliano; maua; mradi; alama asili; manufaa
Matokeo ya ujifunzaji
Mwishoni mwa sehemu hii, utakuwa umeweza:
- Umetafiti namna ya kuwasaidia wanafunzi kuuliza maswali, kuchunguza na kufanya uchambuzi katika kukuza uelewa wao juu ya mimea asili;
- Umefanya kazi na wanafunzi kupanua/kujenga mtazamo chanya juu ya namna mazingira yao yanavyothaminiwa na kutunzwa;
- Umepanga na kuratibu mradi wa darasa kukuza alama asili zilizo katika maeneo yao.
Utangulizi
Aina ngapi za mimea zinastawi katika eneo lako? Mimea mingapi wewe na wanafunzi mnaweza kuitambua?
Katika sehemu hii kaa na wanafunzi na mnagundua na kuimarisha wanachokijua juu ya mimea. Hii itakuwa ni njia/sehemu ya kuanzia kuwaelezea maarifa mapya. Maarifa mapya yataleta uelewa na maana zaidi kwao. Msisitizo katika sehemu hii ni kufanya kwa vitendo, kuwasaidia wanafunzi kuchunguza na kutafiti kwa makini kuhusu mazingira yao. Shughuli hii inajumuisha kuweka alama asili na wanafunzi. Shughuli hii itawasaidia kukuza /kupanua mtazamo juu ya mazingira yao, kuthamini na kuyatunza.
Nyenzo-rejea ya 6: Mzunguko wa mwenendo wa maisha ya mbegu ya haragwe
