Somo la 3
Kiasi gani wanafunzi wako wanajua kuhusu mimea katika maeneo yao? Je wewe au wanafunzi mnajua mimea gani mnayohitaji inaota katika mazingira yenu ya shule? Labda shule itengeneze orodha ya mimea asili na kukusanya taarifa kuhusiana nayo. Hii inaweza kuwa ni mradi endelevu wa kufanywa na darasa au shule kwa ujumla. Uchunguzi kifani 3 unaonesha namna mwalimu mmoja alivyofanya.
Mara wanafunzi wakishapanua mawazo yao juu ya mimea asili, unaweza kutumia mawazo haya kupanga na kutengeneza alama asili za mimea (Angalia Shughuli muhimu), itakayorahisisha zoezi la kujifunza mimea mwaka unaofuata. Mradi kama huu huruhusu wanafunzi kuhaulisha mafunzo kutoka muktadha mmoja hadi mwingine, kutoa maamuzi na kufanya kwa pamoja. Zoezi hili linawafanya wanafunzi kukuza ujuzi utakao wasaidia kuwa wanajamii wanaosaidiana na kushirikiana.
Mradi kama huu unaweza kukupa wasiwasi kama hujawahi ufanya kabla. Unahitaji kupanga kwa umakini na bila kuogopa kama utaenda tofauti na ulivyopanga. Kitu muhimu ni kufikiri kuhusu uzoefu. Nini limeenda vizuri? Nini utabadili wakati ujao? Nini umefurahia? Muhimu zaidi, shughuli hii imefanya wanafunzi wajifunze kwa juhudi?
Uchunguzi kifani ya 3: Kuifahamu mimea ya mahali hapo
Katika Shule ya Msingi ya Tengeru, Bi Ndekule ambaye ni mwalimu alikuja darasani na sampuli ya mimea ya mahali hapo iliyokusanywa kutoka maeneo ya shuleni. Wanafunzi walijibidisha kuitambua mingi kati ya hiyo mimea. Hata hivyo, wiki/juma moja kabla, walikuwa wametaja mimiea 52 ya mahali hapo katika muda wa dakika 15. Waliyajua majina, lakini hawakuweza moja kwa moja kuhusisha majina na mimea halisi. Kulikuwa na tatizo hapa.
Bi Ndekule alishauri kuwa darasa lake lingeongeza elimu juu ya miti ya mahali hapo na pia kutoa nyenzo kwa wanafunzi wengine shuleni hapo. Alieleza kuwa wanafunzi wangehusika na kuandaa orodha ya kukagulia sahihi ya mimea yote ambayo wangeweza kuitaja na kutambua mahali ilipo kwenye eneo la hapo. Halafu aliwasaidia kuandaa mpango wa namna gani wangelifanya hili, kwa kuwapa maswali haya;
Ni mimea gani utaihusisha?
Ni taarifa gani utatoa kwa kila mmea? (mfano, umbo la majani, unaota wapi, una maua? Ni mkubwa kiasi gani? Una manufaa? Kuna mnyama yeyote anaula? Kuna hadithi zozote juu yake?)
Nini tayari unakifahamu kwa kila mmea? Utajuaje zaidi kuhusu kila mmea? Utaiwasilishaje taarifa hii?
Utajipangaje kufanya kazi hii kwa usahihi kadri uwezavyo?
Wanafunzi wake walijipanga katika makundi, kila kundi likihusika na eneo moja. Walijipangia ratiba.
Wanafunzi walizikabili vema changamoto za kuongeza uelewa wao wa mimea ya mahali hapo. Waliiwasilisha kazi yao kwenye mkusanyiko la
wanafunzi shuleni na pia walialika wazazi waje na kuona kile walichokuwa wamejifunza. Kila mtu alisifu kazi yao na namna walivyofanya kazi kwa pamoja.
Bi Ndekule alieleza kuwa hii ni aina ya kazi ambayo hufanywa na mwanabotania aliyebobea. Aliwambia wanafunzi wake kuwa wamefikiri na kutenda kama wanasayansi.
Shughuli muhimu: Kuchora ramani ya ufuatisho wa mimea ya asili ya mahali hapo
Ufuatisho wa mimea ya asili ni matembezi ambayo yanaweza kuhusisha mahali ambapo kuna miti ya kuvutia na mimea mingine inayoweza kuonekana. Pamoja na ramani inayoonyesha sehemu zinazovutia, ufuatisho mara nyingi unakuwa na kitinyi cha habari ambacho kinatoa maelezo mazuri ya ziada.
Fanya kazi na wanafunzi wako kupanga shughuli hii karibu na shule yako. Nyenzo rejea 3: Kuandaa ufuatisho wa mimea ya asili inatoa ushauri zaidi wa kuandaa shughuli hii, pamoja na baadhi ya tahadhari za usalama unazoweza kuziona.
Makundi ya wanafunzi yanaweza kila moja kupanga na kuandaa ukurasa kwa ajili ya sehemu ya ufuatisho wa mimea ya asili. (kama unaweza kuwa karibu na kompyuta na printa, wanafunzi wako wangeweza kuvitumia hivi kuwasaida kutoa toleo la mwisho. Unaweza pia kujumuisha picha kutoka kwenye kamera au simu ya mkononi.)
Baadaye, wewe na wanafunzi wako mngetaka kutathmini kazi yenu na hata kufikiri njia ambazo mngeboresha jaribio lenu la kwanza (labda ungeyapitia maoni ya wanafunzi wengine wanaotumia ufuatisho wa mimea ya asili).
Somo la 2
