Somo la 1
Sehemu za mwanzo katika moduli hii zinazingatia namna viumbe hai vinavyojibadilisha ili kuishi katika mazingira yao. Faida kubwa ya binadamu katika mabadiliko, na ambayo ilianzia hapa Afrika ni uwezo wa kufikiri na kutengeneza zana ili kupambana na mabadiliko ya mazingira na kujifunza mambo mapya. Kwa mfano, ushahidi wa mwanzo wa mafunzo namna ya kutengeneza na kutumia moto inapatikana kusini mwa Afrika. ( Nyenzo rejea 1: Nadharia ya asili ya binadamu ‘Kutoka Afrika’
Katika uchunguzi kifani 1, mwalimu hutumia kazi za sanaa za maisha ya binadamu toka mamia ya miaka iliyopita, inayopatikana chini ya ardhi kukuza mtazamo wa kujali kile walichofanya watu wa kale. Hii ni njia mojawapo ya kuanzisha mada hii na wanafunzi; pia unaweza kutumia baadhi ya vifaa maalumu katika Nyenzo rejea 1 . Hakikisha unawaambia wanafunzi umuhimu wa zoezi hili; watake wanafunzi kutafuta dhana moja mpya kwao au toa majumuisho ya dhana muhimu katika njia inayofaa kwa wanafunzi wadogo, ikiwezekana ziwepo na baadhi ya picha.Katika shughuli 1 uwaongoze wanafunzi katika majadiliano yatakayowahamasisha kutafuta ushahidi zaidi kutoka vyanzo mbalimbali.
Uchunguzi kifani ya 1: Kuwapa hamasa wanafunzi kwa mawe na mifupa
Alani ni mwalimu amekuwa akitumia muda mwingi wa likizo katika pwani ya Afrika Kusini. Hapa, upepo unaposomba mchanga kwenye vichuguu, unaacha wazi sehemu zilizofunikwa kwa udongo siku nyinngi. Unaweza kupata vipande vya vyungu vya zamani na kushangazwa jinsi kilivyotengenezwa na kupambwa. Unaweza kupata vipande vya mawe vilivyochongwa kwa ajili ya kukatia vitu, kugongea na kusagia. Pia kuna mabaki ya mifupa inayoonesha ushahidi wa kutengenezwa mishale kwa kuwambia ngozi.
Mara nyingine, Alani huchukua hupeleka wanafunzi katika sehemu hizo. Wanafunzi wanapogusa hivyovitu na kutafakari watu wa miaka hiyo, muda na jitihada walizotumia kutengeneza zana, anaweza kupata picha halisi.
Kwa taarifa zaidi katika kuchunguza kazi za sanaa rejea nyenzo rejea 2:
Kudadisi kazi za sanaa .
Shughuli ya 1: Kuwaza kwa undani maisha ya zamani
Kwanza jisomee Nyenzo rejea 3: Historia ya teknolojia
mwenyewe kupata mawazo kuhusu teknolojia ya mwanzo.
Sasa, waketishe wanafunzi kukuzunguka. Waamuru kufummba macho na kufikiria miaka mingi nyuma. Wao ni familia za wafugaji na wawindaji, wanaoishi msituni, wakitengeneza zana zao na kutafuta mahitaji yao kwa kuishi. Waambie waendelee kufumba macho na kukariri majibu vichwani kwa maswali yaliyo ulizwa.(baadae utazungumzia kuhusu majibu). Waombe kuwaza wakiamka. Wameamukia wapi? Nini kiliwalinda usiku? Wamevaa nini? Aliwatengenezea nani na namna gani? Wanakula nini na kunywa nini? Vinaandaliwaje na kutunzwaje? Zingatia juu ya vifaa, zana na vitu vingine vilivyotumika. Nukuu majadiliano katika mfumo wa ramani ya kumbukumbu yenye kichwa cha habari ‘Teknolojia ya mwanzo kwa maisha bora’. (Nyenzo rejea muhimu: matumizi ya ramani ya kumbukumbu na uchangiaji kuibua mawazo).
Sehemu ya 5: Kukuza mtazamo kuhusu madhara ya mazingira yetu
