Somo la 3
Ni muhimu kwamba wanafunzi wanahamasishwa kuthamini tamaduni na mila zao. Wanasayansi wanagundua kuwa elimu ya asili ina umuhimu lakini kuna hatari kuwa elimu hii inaweza kupotea.
Uchunguzi kifani 3 inaonyesha namna mwalimu anavyotumia habari za asili kuhusianisha na matukio ya ndani na nje kuhusu uchafuzi wa mazingira, madhara kwa wanyama na kuongezeka kwa ajira na nyenzo.
Katika shughuli muhimu, unajenga mawazo juu ya mjadala wa mwanzo na utafiti na chukua hatua pamoja na wanafunzi katika utunzaji wa mazingira. Katika aina hii ya kazi, unahitajika kufikiria kwa umakini jinsi ya
kugawanya kazi na kuhakikisha kuwa kila mmoja anapata nafasi ya kushiriki. Wahamasishe wanafunzi kuakisi kwa kile walichochangia kwenye kundi. (Nyenzo rejea 5: Dhana wanazoweza kuwa nazo wanafunzi juu ya kufanya kazi katika makundi )
Uchunguzi kifani ya 3: Matumizi ya habari za ndani/mahali
Kuna hadithi kwenye gazeti la habari za ndani kuhusu namna kampuni kubwa inavyopanga kujenga hotel karibu na ufukwe, ambapo wanyama wengi huishi na watu wa maeneo hayo huvua samaki. Baadhi ya wakazi walishangazwa sana juu ya hili na kufikiri kuwa itasababisha uchafuzi wa mazingira na kuwafukuza wanyama na samaki. Wakazi wengine walifurahia habari hizo kwamba hotelini kutakuwa na ajira na watalii wakuongoza na kununua bidhaa zao. Mwalimu Massawe anaona kama hii ni nafasi nzuri ya kuhusianisha lugha na sayansi. Anawaomba wanafunzi kutafuta nakala nyingi iwezekanavyo za toleo hili la gazeti. Halafu anakata vipande ili kila kundi (la wanafunzi 8) wapate nakala yake. Katika makundi hayo, wanafunzi wasome na kuchambua habari chini ya vichwa hivi (ambavyo mwalimu aliviandika ubaoni);
Mhusika Nini wanataka kitokee Kwa nini
Baada ya nusu saa, mwalimu Masawe alisitisha majadiliano na kuyataka makundi mbalimbali kupeleka mwakilishi kusaidia kujaza jedwali ubaoni. Anamaliza kipindi kwa kushirikiana na wanafunzi kuandika muhstasari wa hadithi kutokana na jedwali.
Shughuli muhimu: Kuchukua uamuzi
Waelezee wanafunzi kuwa unawataka waamue juu ya mpango ambao watachukua hatua fulani chanya. Jadiliana juu ya vipengele vya maisha yakawaida vinavyoweza kuimarishwa. Jadili na panga mawazo kulingana na umuhimu wake.
Halafu, gawanya wanafunzi katika makundi. Watake kila kundi kuandaa mchakato wa utekelezaji na kuwasilisha darasani. Utaujuaje mpango wenye mantiki na unauhalisia/ jadili hili pamoja na wanafunzi wako na amua kati ya vigezo vitatu hadi vine kutathmini kila mpango.
Litake darasa kuchagua mpango mmoja na kuufanyika kazi namna utakavyoutathmini ufanisi wake. Mwisho, jaribu kuuweka mpango huo katika vitendo. Tumia mfumo wa utekelezaji wa utafiti wa:
Utafiti
Mpango
Tekeleza
Tathmini
Rekebisha Mpango
Nyenzo rejea 6: Kufikiri kiulimwengu-kutekeleza kimahali hutoa ushauri wa kina juu ya kupanga shughuli hii.
Somo la 2
