Sehemu ya 5: Kutoka ardhini kuenda kwenye nyota – kutumia zana kifani
Swali Lengwa muhimu: Unawezaje kutumia Zana Kifani kuwasaidia wanafunzi kujenga uelewa wao wa ulimwengu?
Maneno muhimu: Zana/nyenzo Kifani; kuhadithia hadithi; kichechemo; jua; mwezi;mfumo wa sayari
Matokeo ya ujifunzaji
Mwishoni mwa sehemu hii, utakuwa umeweza:
- Umetumia zana kifani tofauti kuwasaidia wanafunzi kujenga uelewa wa Ardhi;
- Umetumia tafakuri, utambuzi na ujenzi wa zana kifani ili kuvumbua mawazo yao kuhusu dunia;
- Umetambua kuwa uhadithiaji ni njia ya kuwahamasisha wanafunzi katika uchunguzi wa anga.
Utangulizi
Nini maana ya mwaka? Dunia na umbo gani? Tunamaanisha nini kwa kusema ‘kuchomoza kwa jua’?
Kuwasaidia wanafunzi kuelewa jinsi maskani yao, dunia, inavyoenea kwenye mfumo wa sayari siyo rahisi kwa sababu uzoefu wa kushika na kutembelea eneo siyo rahisi. Lakini tunaweza kutumia zana kifani/vifani kuwasaidia wanafunzi wetu kuelewa mawazo ya msingi ya kisayansi.
Sehemu hii ina lengo la kujenga ujuzi wako katika kutumia vifani ili kutambua usiku na mchana, vipindi vya mwezi na mfumo wetu wa sayari. Hivi vifani vya kufundishia vinahusisha vifani vinavyoshikika (vilizotengenezwa kutokana na zana za kawaida), michoro na uigizaji kwa komputa kutawasaidia wanafunzi wako kuelewa ukubwa unaotakiwa, maeneo na mienendo ya vitu vilivyoko kwenye mfumo wetu wa sayari.
Nyenzo-rejea 6: Periskopu – Mawazo ya namna ya kuanza
