3.1 Hunanreoleiddio
Mae gallu adnabod teimladau rhywun yn gam pwysig tuag at reoli emosiynau. Mewn sefyllfaoedd o wrthdaro, mae emosiynau pwerus yn gweithredu ar y cyflwr corfforol a meddyliol. Mae sylweddoli beth sy’n digwydd yn rhoi lle i bobl weithredu a meddwl yn wahanol.
Yn y gweithgaredd nesaf hwn, byddwch yn dechrau meddwl am y mathau o emosiynau sy’n codi mewn sefyllfaoedd o wrthdaro, ac yn ystyried ffyrdd o’u hadnabod a’u rheoli.
Gweithgaredd 5 Sut mae gwrthdaro yn effeithio ar fy meddwl a’m corff?
Rhan 1
Gwyliwch y fideo byr hwn lle mae Sioned yn amlinellu rhai o'r ffyrdd mae plant a phobl ifanc yn disgrifio eu profiadau o sefyllfaoedd o wrthdaro.

Transcript: Fideo 3
Rhan 2
Yn awr, ysgrifennwch yn y blychau isod y gwahanol ffyrdd y gall ymatebion i wrthdaro effeithio ar eich corff a’ch meddwl. Yn ogystal ag ystyried y syniadau yn y fideo, fe allech chi hefyd feddwl yn ôl i sefyllfa lle gwnaethoch chi brofi dicter neu emosiwn cryf arall o ganlyniad i wrthdaro.
| Highlighted | Highlighted |
| Highlighted | Highlighted |
| Highlighted | Highlighted |
| Highlighted | Highlighted |
| Highlighted | Highlighted |
| Highlighted | Highlighted |
| Highlighted | Highlighted |
Sylwad
Gall creu darlun o sut mae emosiynau cryf yn gallu effeithio ar wahanol rannau o’ch meddwl a’ch corff helpu i adnabod yr emosiynau hyn a dod o hyd i ffyrdd o’u rheoli. Fodd bynnag, mae angen ymarfer hyn i gyd ac, os byddwch yn rhoi cynnig ar unrhyw un o’r gweithgareddau hyn gyda phlant a phobl ifanc, dylech eu hystyried fel rhan o ddull cwricwlwm hirdymor o ymdrin â llesiant
Sesiynau DPP
Os ydych chi’n gwneud y gweithgaredd hwn gyda grŵp, gallech baratoi amlinelliad o ffigur i gyfranogwyr ei anodi. Gallent ychwanegu nodiadau post-it neu ddefnyddio’r ffigur ei hun i ddangos effaith yr emosiynau sy’n deillio o wrthdaro ar eu cyrff.
Fel y trafodwyd, mae cydnabod emosiynau pwerus fel dicter, straen a phryder ynoch chi eich hun ac eraill yn gam tuag at allu rheoli’r emosiynau hyn a lleihau’r risgiau o gael eich llethu ganddynt.
Isod mae gweithgaredd syml y gallech chi geisio ei wneud i helpu plant a phobl ifanc i ddechrau tawelu eu hunain pan fydd pethau’n eu llethu.
Olrhain dwylo
Edrychwch ar y fideo isod sy’n egluro techneg i’w defnyddio ar gyfer ffordd gyflym iawn o deimlo ychydig yn dawelach.