Mynd i'r prif gynnwys

Ynghylch y cwrs am ddim hwn

Awdur

Dewch yn fyfyriwr gyda’r Brifysgol Agored

Lawrlwytho'r cwrs hwn

Rhannu'r cwrs am ddim hwn

Egwyddorion ac arferion addysg heddwch
Egwyddorion ac arferion addysg heddwch

Dechrau'r cwrs am ddim hwn nawr. Crëwch gyfrif a mewngofnodwch. Cofrestrwch a chwblhewch y cwrs am ddatganaid o'ch cyfranogiad neu fathodyn digidol am ddim os ydynt ar gael.

1.1 Cynllunio sesiwn cylch

Y ddelwedd a ddisgrifir
Ffigur 2 Diagram o sesiwn gylch gan Peacemakers

Mewn sesiwn cylch, mae oedolion yn gweithredu fel hwyluswyr yn hytrach nag arweinwyr ac mae pawb yn cymryd cyfrifoldeb dros wrando ar ei gilydd a chefnogi’r rhyngweithio.

Mae’r llyfr Learning for Peace yn disgrifio fformat profedig ar gyfer sesiwn cylch ‘meithrin heddwch’ y gallech ei addasu at eich defnydd eich hun (Ffigur 2). Mae'r fformat hwn yn rhannu'r sesiwn yn amrywiaeth o weithgareddau, gan gynnwys agor y cylch fel lle i gydweithio, cydnabod presenoldeb pawb, torri'r iâ, sefydlu ffyrdd o weithio, cynnwys cyfranogwyr yn y prif weithgaredd, myfyrdodau a datganiadau ymgadarnhau.

Defnyddir ‘darn siarad’ i ddangos tro pwy yw mynegi eu meddyliau. Dim ond y sawl sy’n defnyddio’r darn siarad sy’n gallu mynegi eu syniadau (ac mae hynny’n cynnwys yr oedolion yn yr ystafell) ac mae’n rhaid i gyfranogwyr eraill ymrwymo i ymgysylltu â’u syniadau.

Gweithgaredd 2 Archwilio elfennau o sesiwn cylch

Timing: Caniatewch tua 20-30 munud ar gyfer y gweithgaredd hwn

Defnyddiwch y tabl isod, a addaswyd o Learning for Peace, i archwilio gwahanol elfennau posibl o sesiwn cylch.

Fe welwch rai dolenni i wefannau sy’n awgrymu gweithgareddau ar gyfer pob rhan o sesiwn cylch.

Wrth i chi archwilio’r adnoddau hyn, defnyddiwch y blwch ymateb a ddarperir i wneud nodiadau am sut gallech chi roi sesiynau cylch ar waith yn eich ystafell ddosbarth. Gallech ystyried:

  • Sut gallai eich grŵp greu trefn ar gyfer ffurfio ac agor cylchoedd yn eich ystafell ddosbarth.
  • Unrhyw addasiad y gallai fod angen i chi ei wneud ar gyfer anghenion eich grŵp.
  • Pa amser allai fod yn adeg da o'r dydd ar gyfer sesiynau cylch.
Rhan o’r sesiwn Math o weithgaredd Cysylltiadau a phosibiliadau
Dechrau Mae’n sefydlu’r cylch, yn caniatáu i gyfranogwyr rannu sut maent yn teimlo a sut bydd y grŵp yn gweithio gyda’i gilydd. Pasiwch y darn siarad o gwmpas y cylch. Gofynnwch gwestiwn syml y gall pob cyfranogwr ei ateb pan ddaw eu tro. Gallech roi cynnig ar ‘Beth oedd eich hoff ran o’r wythnos/diwrnod hyd yma?’
Cymysgu’r grŵp Chwaraewch gêm i gymysgu’r cyfranogwyr, gan eu hannog i weithio gyda gwahanol aelodau o’r grŵp.

Salad ffrwythau

Rhowch ddarn (neu lun) o ffrwyth i bob aelod o’r cylch. Bydd y cyfranogwyr yn cyfnewid seddi pan elwir eu ffrwythau.

Gellir defnyddio’r gêm hon gyda nifer o ieithoedd fel y disgrifir yn erthygl OpenLearn dan y teitl Pineapples and Pashto lle mae’n cael ei defnyddio gyda siaradwyr Dari a Pashto.

Y prif weithgaredd Prif ffocws y sesiwn. Dylai’r oedolyn gymryd rôl hwyluso yma – ceisiwch beidio ag arwain y sesiwn! Bydd hyn yn dibynnu ar yr hyn mae’r cyfranogwyr eisiau ei ddatblygu fel grŵp.
Pwyso a mesur ac adolygu Myfyrdod grŵp, rhannu’r hyn a ddysgwyd ac ymatebion i’r gweithgaredd. Gweler y dolenni ar dudalen adnoddau ac argymhellion y Cwrs.
Gêm Adnewyddu’r grŵp, gan ei gysylltu’n ôl â’r prif weithgaredd os oes modd. Gweler y dolenni ar dudalen adnoddau ac argymhellion y Cwrs
Cadarnhad Cyfle i rai aelodau o’r grŵp glywed pethau cadarnhaol am ei gilydd. Mae’n dda bod yn fi fy hun o Sesiwn 2 Gweithgaredd 2 y cwrs hwn.
Gorffen Edrych ymlaen, dod â’r sesiwn i ben a helpu’r cyfranogwyr i symud ymlaen i ran nesaf eu diwrnod. Unwaith eto, gallai hwn fod yn gwestiwn syml y bydd pob un yn ei ateb pan fydd yn dal y darn siarad. Gallech roi cynnig ar ‘Beth ydych chi’n edrych ymlaen ato ar ôl ysgol?’

Ar dudalen adnoddau ac argymhellion y Cwrs fe welwch ddolenni i wefannau gyda gweithgareddau y gellid eu defnyddio mewn sesiynau amser cylch.

Cofiwch fod angen amser ar gylchoedd i setlo a rhoi cyfle i gyfnewid syniadau’n ystyrlon. Gallant gymryd peth amser i ymsefydlu fel rhan o drefn yr ystafell ddosbarth.

I ddefnyddio’r ymarferoldeb rhyngweithiol yma, bydd angen cyfrif am ddim gyda’r Brifysgol Agored. Mewngofnodwch neu gofrestrwch.
Interactive feature not available in single page view (see it in standard view).

Gellir defnyddio cylchoedd i archwilio nifer o faterion. Yn yr adran nesaf byddwch yn edrych ar weithgaredd cylch sy’n cyflwyno agweddau tuag at wrthdaro.