Sgipio i'r cynnwys
Mynd i'r prif gynnwys
header search
ahihi OpenLearn
OpenLearn
Menu
sticky search

Ynghylch y cwrs am ddim hwn

Dewch yn fyfyriwr gyda’r Brifysgol Agored

Lawrlwytho'r cwrs hwn

Rhannu'r cwrs am ddim hwn

Cynnwys y cwrs Cynnwys y cwrs
Mathemateg bob dydd 2
Mathemateg bob dydd 2

Dechrau'r cwrs am ddim hwn nawr. Crëwch gyfrif a mewngofnodwch. Ymrestrwch a chwblhewch y cwrs am ddatganaid o'ch cyfranogiad neu fathodyn digidol am ddim os ydynt ar gael.

Mwy o gyrsiau am ddim

3.2 Dehongli siartiau bar

Os gwelwch siart bar sy’n dangos gwybodaeth ichi, mae’n ddefnyddiol gwybod sut i’w dehongli. Y peth pwysicaf y mae angen ichi ei ddarllen i ddeall siart bar yn gywir yw’r raddfa ar yr echelin fertigol.

Fel yr ydych yn gwybod o luniadu siartiau bar eich hun, gall y rhifau ar yr echelin fertigol godi mewn camau o unrhyw faint. Felly mae angen ichi weithio allan beth yw gwerth y rhaniadau llai cyn y gallwch ddefnyddio’r wybodaeth. Y ffordd orau ichi ddysgu yw trwy ymarfer edrych ar, a darllen o, siartiau bar gwahanol.

Rhowch gynnig ar y gweithgaredd isod.

Gweithgaredd 4: Dehongli siart bar

Mae’r siart isod yn dangos y ffigurau gwylio dyddiol cyfartalog ar gyfer sianelau Sky Cinema yn ystod y cyfnod 11-17 Mawrth 2019. Atebwch y cwestiynau sy’n dilyn. Dewiswch yr ateb cywir ym mhob achos.

Described image
Ffigur 9 Ffigurau gwylio cyfartalog Sky Cinema (11–17 Mawrth 2019)
Show description|Hide description

Mae’r siart bar yn dangos y ffigurau gwylio canlynol ar gyfer Sky Cinema yn ystod y cyfnod 11–17 Mawrth 2019:

Ymladd ac Antur – 264 000

Comedi – 150 000

Trosedd a Chyffrous – 111 000

Disney – 254 000

Drama a Rhamant – 72 000

Teulu – 235 000

Y mawrion – 126 000

Ffuglen Wyddonol / Arswyd – 172 000

Ffigur 9 Ffigurau gwylio cyfartalog Sky Cinema (11–17 Mawrth 2019)

  1. P’un oedd y sianel fwyaf poblogaidd?

    • a.Ymladd ac Antur
    • b.Disney
    • c.Teulu

Ateb

  • a.Ymladd ac Antur

  1. Tua faint o wylwyr a wyliodd sianel Disney Sky Cinema?

    • a.250 o wylwyr
    • b.25 000 o wylwyr
    • c.250 000 o wylwyr

Ateb

  • c.250 000 o wylwyr – nodwch fod label yr echelin fertigol yn dweud bod y ffigurau mewn 000 (miloedd) sy’n golygu bod y raddfa’n codi mewn cyfyngau o 20 000. Mae hyn yn golygu bod bar Disney yn mynd i fyny at 250 000.

  1. Tua faint yn fwy o wylwyr a wyliodd sianel Ffuglen Wyddonol ac Arswyd Sky Cinema na sianel Drama a Rhamant Sky Cinema?

    • a.100 000

    • b.80 000

    • c.100

Ateb

  • a.100 000 – cafodd y sianel Ffuglen Wyddonol ac Arswyd tua 175 000 o wylwyr a chafodd sianel Drama a Rhamant tua 75 000 o wylwyr, gan wneud gwahaniaeth o 100 000 o wylwyr.

Gweithgaredd 5: Dehongli siart bar cymharol

Mae’r siart isod yn dangos prisiau tai cyfartalog yn ôl awdurdod lleol yng Nghymru ar gyfer 2017 a 2018. Atebwch y cwestiynau sy’n dilyn.

Described image
Ffigur 10 Pris tŷ cyfartalog yn ôl awdurdod lleol ym mis Ionawr
Show description|Hide description

Mae’r siart bar yn dangos pris tŷ cyfartalog yn ôl awdurdod lleol yn 2017 (y bar glas) a 20198 (y bar oren):

Caerdydd – £200 082 (oren), £190 244 (glas)

Ceredigion – £179 419 (oren), £170 682 (glas)

Sir y Fflint – £167 673 (oren), £158 629 (glas)

Gwynedd – £148 891 (oren), £145 362 (glas)

Ynys Môn – £178 247 (oren), £157 541 (glas)

Sir Penfro – £166 374 (oren), £163 386 (glas)

Powys – £179 789 (oren), £172 568 (glas)

Abertawe – £142 592 (oren), £138 422 (glas)

Ffigur 10 Pris tŷ cyfartalog yn ôl awdurdod lleol ym mis Ionawr
  1. Pa awdurdod lleol a welodd y cynnydd mwyaf mewn prisiau tai cyfartalog rhwng 2017 a 2018?

Ateb

  • Ynys Môn

  1. P’un o’r canlynol yw’r amcangyfrif gorau o’r gwahaniaeth rhwng prisiau tai cyfartalog yng Nghaerdydd ac yn Abertawe yn 2018?

    • a.£50 000
    • b.£60 000
    • c.£120 000

Ateb

  • b.£60 000 - nodwch fod y raddfa’n codi mewn cyfyngau o £10 000. Tua £200 000 oedd pris tŷ cyfartalog yng Nghaerdydd yn 2018, o gymharu â phris tŷ cyfartalog yn Abertawe o tua £140 000, sy’n gwneud gwahaniaeth o £60 000.

Gweithgaredd 6: Dehongli siart bar cydrannol

Mae’r siart canlynol yn dangos nifer y cofrestriadau ar gyfer cyrsiau coleg gwahanol. Atebwch y cwestiynau sy’n dilyn.

Described image
Ffigur 11 Cofrestriadau cyrsiau coleg
Show description|Hide description

Siart bar o gofrestriadau cyrsiau coleg yn dangos y data canlynol:

Peintio ac Addurno = 20

Iechyd a Gofal Cymdeithasol = 40

Teithio a Thwristiaeth = 12

Gweinyddu Busnes = 36

Gwaith Coed = 24

Gwallt a Harddwch = 65

Ffigur 11 Cofrestriadau cyrsiau coleg
  1. Pa gwrs a gafodd y nifer leiaf o gofrestriadau rhan amser?

Ateb

  • Teithio a Thwristiaeth
  1. Pa gwrs a gafodd mwy o gofrestriadau rhan amser nag amser llawn?

Ateb

  • Iechyd a Gofal Cymdeithasol
  1. Faint o gofrestriadau amser llawn a gafwyd i’r cwrs Gwallt a Harddwch?

Ateb

  • 49.

    Nodwch fod y raddfa’n codi fesul 2 a bod cydran amser llawn bar Gwallt a Harddwch yn cyrraedd hanner ffordd rhwng 48 a 50.

  1. Faint o gofrestriadau rhan amser a gafodd y cwrs Gweinyddu Busnes?

Ateb

  • 7
  1. Tua faint o gofrestriadau cyrsiau a gafwyd i gyd?

Ateb

  • 197 – mae angen ichi gyfrif cyfanswm cofrestriadau’r holl gyrsiau ar wahân ac yna eu hadio at ei gilydd:

    • Peintio ac Addurno = 20

    • Iechyd a Gofal Cymdeithasol = 40

    • Teithio a Thwristiaeth = 12

    • Gweinyddu Busnes = 36

    • Gwaith Coed = 24

    • Gwallt a Harddwch = 65

    20 + 40 + 12 + 36 + 24 + 65 = 197

Nawr dylech deimlo’n hyderus i luniadu ac i ddehongli siartiau bar, felly mae’n bryd symud ymlaen i edrych ar fath arall o siart sef siartiau cylch.

Crynodeb

Yn yr adran hon, rydych wedi dysgu:

  • am wahanol nodweddion siart bar
  • sut i ddefnyddio siartiau bar sengl a chymharol i gyflwyno data
  • sut i ddehongli’r wybodaeth a ddangosir ar y gwahanol fathau o siartiau bar.