Mynd i'r prif gynnwys

Ynghylch y cwrs am ddim hwn

Awdur

Dewch yn fyfyriwr gyda’r Brifysgol Agored

Lawrlwytho'r cwrs hwn

Rhannu'r cwrs am ddim hwn

Egwyddorion ac arferion addysg heddwch
Egwyddorion ac arferion addysg heddwch

Dechrau'r cwrs am ddim hwn nawr. Crëwch gyfrif a mewngofnodwch. Cofrestrwch a chwblhewch y cwrs am ddatganaid o'ch cyfranogiad neu fathodyn digidol am ddim os ydynt ar gael.

7 Rôl yr addysgwr

Un o ymrwymiadau addysg heddwch yw bod addysgwyr yn cael eu gwerthfawrogi yn y gymdeithas ehangach. Mae llesiant a datblygiad plant a phobl ifanc yn dibynnu ar addysgwyr yn teimlo eu bod yn cael eu cefnogi i greu mannau lle gall eu myfyrwyr a hwythau feddwl am faterion sydd weithiau’n anodd gyda’i gilydd. Yn y gweithgaredd nesaf byddwch yn archwilio sut mae diwylliant ehangach Ysgol Elizabeth Garrett Anderson yn chwarae rhan wrth helpu athrawon i greu mannau o'r fath.

Gweithgaredd 6 Archwilio pynciau heriol

Timing: Caniatewch tua 10 munud ar gyfer y gweithgaredd hwn

Gwyliwch y fideo hwn, unwaith eto o Ysgol Elizabeth Garrett Anderson, lle mae'r Pennaeth Hanes, Hamidah Siddiqua, yn archwilio pwnc heriol hil-laddiad gyda'i myfyrwyr. Ar y pryd, roedd hil-laddiad grwpiau lleiafrifol Mwslimaidd yn Xinjiang yn bryder i lawer o fyfyrwyr.

Wrth i chi wylio, ystyriwch:

  • Ym mha ffyrdd mae’r ysgol yn cynorthwyo athrawon sy’n addysgu pynciau heriol gyda’u myfyrwyr?
  • Ym mha ffyrdd y gellir ystyried bod addysgu pynciau mor heriol â hyn yn rhywbeth gobeithiol?
Download this video clip.Video player: Fideo 5
Dangos y trawsgrifiad | Cuddio'r trawsgrifiad
Fideo 5
Interactive feature not available in single page view (see it in standard view).

Sylwad

Mae’r Pennaeth Hanes Hamidah Siddiqua yn siarad am y ffyrdd mae hi ac arweinwyr ysgolion eraill yn cynorthwyo staff drwy eu hannog i drafod pynciau sy’n peri pryder a dod yn ymwybodol o’r emosiynau a’r cwestiynau maent yn eu codi. Mae hyn yn helpu staff a myfyrwyr i deimlo eu bod yn cael eu clywed ac yn cael eu gweld, yn enwedig y rhai a allai fod wedi teimlo na wrandawyd yn ddigonol ar eu profiadau eu hunain yn y gorffennol.

Dewisodd Siddiqua ei hadnoddau’n ofalus a gwneud dynoliaeth pobl Uyghur yn glir i’r myfyrwyr. Mae gobaith yn amlwg yn ymatebion meddylgar y myfyrwyr i'r drafodaeth a'u pryder am y materion a godwyd. Yn ogystal â hyn, mae’r Pennaeth Sarah Beagley yn atgoffa’r myfyrwyr eu bod yn cael eu grymuso i weithio gyda’i gilydd i wneud rhywbeth am bethau mor ofnadwy sy’n digwydd yn y byd.