Sgipio i'r cynnwys
Mynd i'r prif gynnwys
header search
ahihi OpenLearn
OpenLearn
Menu
sticky search

Ynghylch y cwrs am ddim hwn

Dewch yn fyfyriwr gyda’r Brifysgol Agored

Lawrlwytho'r cwrs hwn

Rhannu'r cwrs am ddim hwn

Cynnwys y cwrs Cynnwys y cwrs
Mathemateg bob dydd 2
Mathemateg bob dydd 2

Dechrau'r cwrs am ddim hwn nawr. Crëwch gyfrif a mewngofnodwch. Ymrestrwch a chwblhewch y cwrs am ddatganaid o'ch cyfranogiad neu fathodyn digidol am ddim os ydynt ar gael.

Mwy o gyrsiau am ddim

10.3 Datrys problemau cymhareb lle rhoddir cyfanswm un rhan o’r gymhareb

Edrychwch ar yr enghraifft wedi’i chyfrifo isod:

Extract _unit2.10.2

Rydych chi’n tyfu tomatos. Mae’r cyfarwyddiadau ar y bwyd tomatos yn dweud:

  • Defnyddiwch 1 rhan o’r bwyd i 4 rhan o ddŵr

Os ydych yn defnyddio 600 ml o ddŵr, faint o fwyd tomatos ddylech chi ei ddefnyddio?

Mae’r cwestiynau hyn yn gwneud llawer mwy o synnwyr os edrychwch arnyn nhw’n weledol:

Extract _unit2.10.3

Described image
Figure _unit2.10.2 Ffigur 15 Datrys problemau cymhareb i dyfu tomatos
Show description|Hide description

Llun yn dangos jwg wedi’i lenwi hyd at 600 ml â dŵr. Mae’r testun yn darllen ‘Bwyd:Dŵr, 1:4’. Mae saeth yn pwyntio o’r rhif 4 at ‘600 ml’. Mae saeth arall yn pwyntio o’r rhif 1 at farc cwestiwn.

Ffigur 15 Datrys problemau cymhareb i dyfu tomatos

Extract _unit2.10.4

Nawr gallwch weld yn glir bod 600 ml o ddŵr yn werth 4 rhan o’r gymhareb. I ganfod un rhan o’r gymhareb, mae angen ichi wneud:

  • 600 ml ÷ 4 = 150 ml

Gan mai dim ond 1 rhan yw’r bwyd, rhaid ei fod yn 150 ml. Os oedd y bwyd yn fwy nag un rhan, byddech yn lluosi 150 ml â nifer y rhannau.

Fel yn y math blaenorol o gwestiwn, mae angen ichi geisio gweithio allan gwerth 1 rhan. Gellir gweithio allan gwerth unrhyw nifer arall o rannau o hyn.

Activity _unit2.10.3 Gweithgaredd 26: Problemau cymhareb lle rhoddir un rhan

Ymarferwch eich sgiliau trwy roi cynnig ar y problemau cymhareb isod:

  1. Mae rysáit yn dweud bod angen defnyddio blawd a menyn yn y gymhareb 3:5. Defnyddir 700 g o fenyn.

    Faint o flawd fydd ei angen?

Ateb

  1. Blawd:Menyn
    Described image
    Figure _unit2.10.3 Ffigur 16 Defnyddio cymarebau mewn ryseitiau
    Show description|Hide description

    Llun yn dangos clorian cegin yn mesur 700 g. Mae’r testun yn darllen ‘Blawd:Menyn, 3:5’. Mae saith yn pwyntio o’r rhif 5 at ‘700 g’. Mae saeth arall yn pwyntio o’r rhif 3 at farc cwestiwn

    Ffigur 16 Defnyddio cymarebau mewn ryseitiau

    I ganfod un rhan, rydych yn gwneud 700 g ÷ 5 = 140 g

    I ganfod faint o flawd mae ei angen, rydych yn gwneud 140 g × 3 = 420 g o flawd.

  1. Wrth ofalu am blant rhwng 7 a 10 oed, rhaid i’r gymhareb oedolion i blant fod yn 1:8.

    • a.Ar gyfer grŵp o 32 o blant, faint o oedolion mae eu hangen?
    • b.Os oedd un plentyn arall yn y grŵp, sut fyddai hyn yn effeithio ar nifer yr oedolion mae eu hangen?

Ateb

  1. Oedolion:Plant
    • a.
      Described image
      Figure _unit2.10.4 Ffigur 17 Gweithio allan y gymhareb o oedolion i blant
      Show description|Hide description

      Llun yn dangos oedolyn ac 8 o blant. Mae’r testun yn darllen ‘Oedolion:Plant, 1:8’. Mae saeth yn pwyntio o’r rhif 8 at ‘32’. Mae saeth arall yn pwyntio o’r rhif 1 at farc cwestiwn.

      Ffigur 17 Gweithio allan y gymhareb o oedolion i blant

      I ganfod un rhan, rydych yn gwneud 32 ÷ 8 = 4.

      Gan mai dim ond 1 rhan yw oedolion, mae arnoch angen 4 oedolyn.

    • b.Os oedd 33 o blant yn y grŵp, byddai un rhan yn 33 ÷ 8 = 4.125.

      Gan na ellir cael 4.125 o oedolion, mae angen ichi dalgrynnu i fyny i 5 oedolyn, felly byddai angen un oedolyn arall ar gyfer 33 o blant.

  1. Mae siop yn cymysgu bagiau o rawnfwyd gan ddefnyddio ceirch, syltanas a chnau yn y gymhareb 6:3:1.

    Os defnyddir 210 g o syltanas, pa mor drwm fydd y bag o rawnfwyd?

Ateb

  1. Ceirch:Syltanas:Cnau

    Figure _unit2.10.5 Ffigur 18 Gweithio allan y gymhareb o geirch, syltanas a chnau

    Mae syltanas yn 3 rhan felly i ganfod 1 rhan rydych yn gwneud 210 g ÷ 3 = 70 g.

    Mae ceirch yn 6 rhan felly 6 × 70 = 420 g.

    Dim ond 1 rhan yw’r cnau, felly maen nhw’n 70 g.

    Cyfanswm pwysau’r bag fyddai 210 g + 420 g + 70 g = 700 g.

Nesaf byddwch yn edrych ar broblemau cymhareb lle dim ond y gwahaniaeth rhwng y symiau a roddir.