Wythnos 2: Datblygu gyda’r sawl yr ydych yn ei fentora – mentora fel proses ddi-dor

Cyflwyniad

Yn Wythnos 1, cawsoch eich cyflwyno i egwyddorion mentora effeithiol. Mae’r wythnos hon yn canolbwyntio ar sut all mentora ddatblygu a newid wrth i chi a’r sawl yr ydych yn ei fentora ennill profiad a magu hyder. Yn y rhan gyntaf, trafodir y prif ffactorau yn y broses ddi-dor hon, ac yna canolbwyntir ar ddamcaniaethau mentora a sut mae’r rhain yn berthnasol i ymarfer. Bydd yr wythnos yn dod i ben drwy ystyried sut all ymchwil gefnogi’ch ymarfer mentora.