1 Beth mae bod yn addysgwr i athro yn ysgolion yn ei olygu?

Yn fwy na dim, rydw i’n credu bod cyfathrebu yn allweddol a gall fod yn gymorth gwirioneddol i ddatblygu perthynas gref rhwng y mentor a’r myfyriwr. Bydd gennych bedwar arsylwad arall a chyfarfodydd gyda’ch mentor, ond mae sgyrsiau bob dydd, adborth, ac ysgogiad yn gallu bod yn effeithiol tu hwnt. Ac mae clywed eich bod yn gwneud yn dda yn gallu bod yn fuddiol iawn.

Mae fy mentor yn fy nghefnogi drwy bob agwedd ar fy nghwrs TAR. Felly, fel y dywedais, beth mae mentora yn ei olygu i mi. Nid yn unig o ran fy ngwaith yn addysgu neu’n cynllunio neu’n gwerthuso, ond yn fy holl waith yn y Brifysgol. Felly popeth yn yr ysgol, y llwyth gwaith, llesiant meddwl. Rhywun sydd wastad yno a rhywun sydd wastad yno i roi cymorth i mi. Yn fy marn i, mae mentor yn rhywun cyfeillgar. Mae ei foesau gwaith yn amlwg ond mae hefyd yn fy arwain i’r cyfeiriad cywir, gan ganiatáu i mi greu fy llwybr fy hun fel athro ar yr un pryd. Ydy, mae’r gefnogaeth heb ei hail, mae wastad yno ac yn gadael i mi ddilyn fy mhenderfyniadau fy hun. Felly, dyna pam rwy’n dweud mai mentor da yw’r hyn sy’n bwysig i mi.

Bu’r mentoriaid yn gymorth mawr i bennu cryfderau ac anghenion datblygu allweddol pob myfyriwr ac yna gweithiasant yn agos gyda mi i benderfynu ar y camau nesaf. Felly mae parhad a dilyniant rhwng lleoliadau gwaith.

Rydw i’n credu bod mentora gwych yn golygu cydbwyso pethau. Felly, cydbwysedd rhwng cyfraniad y mentor a chyfraniad y sawl sy’n cael ei fentora, er mwyn magu perthynas dda sy’n caniatáu i’r sawl sy’n cael ei fentora ddatblygu yn y modd yr hoffai ddatblygu fel athro. Ond mae’r mentor yn ei gefnogi ac yn ei herio i gyflawni’r nod hwnnw. Credaf fod cydbwysedd rhwng cefnogi a herio, mae cydbwysedd rhwng rhannu’ch profiad fel mentor, ond hefyd bod yn agored i syniadau newydd y gall yr athro dan hyfforddiant eu cyflwyno. Ac mae cydbwysedd rhwng bod yn gyfeillgar heb fod yn gwnselydd, bod yn broffesiynol ond cydnabod hefyd bod gan yr athro dan hyfforddiant ei hunaniaeth ei hun. Felly rydw i’n credu ei fod yn dipyn o waith cydbwyso. Efallai yn yr un modd ag y mae athro gwych yn athro gwych, oherwydd gall addysgu yn y ffordd mae’r disgybl yn dysgu orau. Credaf fod hynny yr un fath yn achos mentor gwych hefyd. Mae’n sylwi sut unigolyn yw’r sawl sy’n cael ei fentora a sut all fynd ati i roi’r cymorth gorau iddo ddatblygu hyd eithaf ei allu. Ac yna mae’n darparu hwnnw yn y ffordd fwyaf priodol i’r unigolyn hwnnw.