Annog Darllen
Cyflwyniad
Mae Annog darllen yn gyflwyniad cyffredinol i rai agweddau pwysig ar sut mae plant yn datblygu eu sgiliau llythrennedd a darllen.
Ei nod yw codi eich ymwybyddiaeth o rai o'r prif faterion o ran:
- Sut mae plant yn dysgu sut i ddarllen
- Sut y gallwch chi fel cynorthwyydd addysgu annog plant i fwynhau darllen a gwella eu sgiliau llythrennedd.
Mae pawb am i blant fwynhau darllen a gall llawer ohonom gofio ein hoff lyfr o'n plentyndod ein hunain.
Mae mentrau gan Gyngor Llyfrau Cymru (http://www.cllc.org.uk [Tip: daliwch Ctrl a chliciwch dolen i'w agor mewn tab newydd. (Cuddio tip)] ) fel Her Darllen yr Haf a chyfres llyfrau Stori Sydyn yn pwysleisio buddiannau cymorth darllen ar gam cynnar.
Dolenni i ragor o wybodaeth / prosiectau perthnasol er mwyn helpu i hyrwyddo darllen er pleser
- Diwrnod y Llyfr yng Nghymru http://readingwales.org.uk/ cy/ diwrnod-y-llyfr/
- Diwrnod y Llyfr yn y DU http://www.worldbookday.com/
- Her Darllen yr Haf https://summerreadingchallenge.org.uk/
- Stori Sydyn yng Nghymru http://readingwales.org.uk/ cy/ stori-sydyn/
- Stori Sydyn yn y DU https://readingagency.org.uk/ adults/ quick-guides/ quick-reads/
Sefydliadau sydd yn annog darllen er pleser
- Cyngor Llyfrau Cymru http://readingwales.org.uk/ cy/ www.gwales.com
- Llenyddiaeth Cymru http://www.llenyddiaethcymru.org/
- Booktrust Cymru / Booktrust http://www.booktrust.org.uk/ cymru/ cymraeg
- Llyfrgelloedd lleol https://llyfrgelloedd.cymru/
- Yr Asiantaeth Ddallen - https://readingagency.org.uk/
- Yr Ymddiriedolaeth Llythrennedd Genedlaethol http://www.literacytrust.org.uk/
Cyhoeddodd Llywodraeth Cymru ei Rhaglen Llythrennedd Genedlaethol ym mis Mai 2012, gan ei disgrifio fel rhaglen genedlaethol i wella safonau llythrennedd yn ein hysgolion gan nodi'r camau gweithredu y mae angen i Lywodraeth Cymru a'i phartneriaid eu cymryd er mwyn sicrhau newid sylweddol mewn safonau llythrennedd dros y pum mlynedd nesaf. Yn ei ddatganiad, dywedodd y Gweinidog y byddai angen sicrhau bod pob 'ysgol yng Nghymru yn canolbwyntio ar ddatblygu sgiliau llythrennedd'.
Yn ogystal â rhieni, gall athrawon, cynorthwywyr addysgu a'r amryw o weithwyr cymorth dysgu eraill hefyd gynnig y cymorth cynnar hanfodol hwn. Yn aml, bydd cynorthwywyr addysgu sy'n gweithio mewn cydberthynas un i un gyda phlentyn, mewn sefyllfa well o lawer i ddarllen gydag ef neu wrando arno'n darllen.
Mae'r adran hon yn cynnwys tri phwnc:
- Babanod a'r blynyddoedd cynnar
- Symud o'r blynyddoedd cynnar i ysgol gynradd
- Bechgyn, merched a darllen.
Maent yn cwmpasu camau gwahanol datblygiad plant a rhai o'r ffyrdd y gallwch annog darllen a llythrennedd ar bob un o'r camau hyn, o'r blynyddoedd cynnar i bobl ifanc mewn ysgolion uwchradd.