ရည်ညွှန်းဖော်ပြခြင်း

ပေါင်းချုပ်တစ်ခုအား အသိအမှတ်ပြုဖော်ပြခြင်း

ပေါင်းချုပ်တစ်ခုအား အသိအမှတ်ပြုဖော်ပြနိုင်သည့် နမူနာတချို့ကိုကို ဖော်ပြပါမည်။ ဥပမာအားဖြင့် သင်၏မူရင်းအကြောင်းအရာနှင့် open license ရုပ်ပုံများ ပါဝင်သော တင်ဆက်ပြသခြင်းတစ်ခု (presentation) (သို့) အင်တာနက်စာမျက်နှာတစ်ခု ဖန်တီးလိုက်သည်ဆိုပါစို့။ သင်က ရုပ်ပုံတစ်ခုချင်း ကို သက်ဆိုင်ရာပြကွက် (slide) တွင် (သို့) အွန်လိုင်းတွင် အသုံးပြုထားသော နေရာတွင် အသိအမှတ်ပြု နိုင်သည်။ သို့မဟုတ် ရင်းမြစ်ပေါ်မူတည်ကာ တင်ဆက်ပြသမှု (presentation) ၏ သီးခြား ပြကွက် (slide) တစ်ခုတွင် (သို့) သင်တန်း ၏ သီးခြားစာမျက်နှာတွင် အသိအမှတ်ပြုဖော်ပြမှုများ ထည့်သွင်းနိုင်သည်။

ရင်းမြစ်၏ သင့်လျော်သောနေရာတွင် - ဥပမာ တင်ဆက်ပြသခြင်း (presentation) ၏ ရှေ့ဘက်မျက်နှာဖုံး (သို့) ဝက်ဘ်ဆိုက်တစ်ခု၏အောက်ခြေ - အောက်ပါအချက်များကို ဖော်ပြနိုင်သည်။ ထိုသို့ဖော်ပြရာတွင် သင်၏ပေါင်းချုပ်အတွက် အသုံးပြုမည့်လိုင်စင်၏ URL ကိုပါ ပါဝင်စေရမည်။

• အခြားနည်းဖြင့် ဖော်ပြထားခြင်းမရှိပါက [ဖန်တီးသူ] ၏ [ရင်းမြစ်နာမည်] အား [လိုင်စင်အမျိုးအစား] လိုင်စင် သုံးထားပါသည်။
• အခြားနည်းဖြင့် ဖော်ပြထားခြင်းမရှိပါက [ရင်းမြစ်နာမည်] အား [ဖန်တီးသူ] မှဖန်တီးကာ [လိုင်စင်အမျိုးအစား] လိုင်စင် သုံးထားပါသည်။
• အခြားနည်းဖြင့် ဖော်ပြထားခြင်းမရှိပါက ဤလက်ရာအား [ဖန်တီးသူ] မှဖန်တီးပြီး [လိုင်စင်အမျိုးအစား] လိုင်စင် သုံးထားပါသည်။

ဤဥပမာသုံးခုတွင် သင်သည် လိုအပ်သော TASL အချက်အလက်အားလုံးကို ထည့်သွင်းထားသည် (သို့) ‘ဤလက်ရာ’ က ရည်ညွှန်းသည့်အရာက ရှင်းရှင်းလင်းလင်းရှိသည့် အခြေအနေတစ်ခုတွင် ် အသိအမှတ်ပြုဖော်ပြချက်တစ်ခု ကို ပေးထားသည်။ ထို့အပြင် 'အခြားနည်းဖြင့် ဖော်ပြထားခြင်းမရှိလျှင် ' သို့မဟုတ် ‘တခြားနည်းဖြင့်မှတ်ချက်ပြုမထားလျှင်’ ဟူသော မသက်ဆိုင်ကြောင်း၊ တာဝန်မယူကြောင်း ရှင်းလင်းချက်ကိုလည်း ထည့်သွင်းထားသည်။ ခြွင်းချက်များရှိပြီး လိုင်စင်စည်းကမ်းများ အမျိုးမျိုးရှိသော ရင်းမြစ်များ ပါဝင်ကြောင်း ယင်းအချက်က အသုံးပြုသူကို ရှင်းရှင်းလင်းလင်း ရှိစေသည်။

OER များအား အသုံးပြုစဉ် သင်အသုံးပြုသောရုပ်ပုံဘေးတွင် အသိအမှတ်ပြုဖော်ပြချက် ထည့်သွင်းခြင်းကဲ့သို့ OER တစ်ခုချင်းစီကို အသိအမှတ်ပြုခြင်းမပြုလုပ်ပါက အသိအမှတ်ပြုကျေးဇူးတင်လွှာ (သို့) ကိုးကားစာရင်းတွင် ထည့်သွင်းနိုင်သည်။ ဥပမာအားဖြင့်

Screenshot ရင်းမြစ်: OER Hub ၏ Open Research 2014 [Tip: hold Ctrl and click a link to open it in a new tab. (Hide tip)] မှ ‘Image and Asset Credits’ ကဏ္ဍအား CC BY-SA 4.0 လိုင်စင်သုံးထားပါသည်။

အထက်ပါဥပမာတွင် Open Research 2014 အမည်ရသော သင် တန်းတစ်ခုအတွက် ရုပ်ပုံနှင့်သင်ထောက်ကူပစ္စည်း အသိအမှတ်ပြု စာမျက်နှာကိုဖော်ပြထားသည်။ သင် တန်းတစ်ခုလုံးအား open license (CC BY-SA 4.0) သုံးထားပါသည်။ သင် တန်းတွင် အခြား OER များပါဝင်ကြောင်း အသိအမှတ်ပြုထားသော အထက်ဖော်ပြပါ များနှင့်ဆင်တူသော မသက်ဆိုင်ကြောင်း၊ တာဝန်မယူကြောင်း ရှင်းလင်းချက်တစ်ခုပါဝင်ပါသည်။

သင ် တန်းတစ်ခုလုံး၏လိုင်စင်သည် သင်တန်း လက်ရာရှင်များ (OER Hub) ဖန်တီးသော မူရင်းအကြောင်းအရာအပေါ် သက်ရောက်မှုရှိသည်။ သင် တန်းတွင်အသုံးပြုထားသော Open license သုံးထားသောရုပ်ပုံများကို သီးခြားစီ အသိအမှတ်ပြုဖော်ပြထားသည်။

ပေါင်းစပ်ဖန်တီးထားသည့်လက်ရာအား အသိအမှတ်ပြုဖော်ပြခြင်း

ပေါင်းစပ်ဖန်တီးထားသည့်လက်ရာအား အသိအမှတ်ပြုဖော်ပြရာတွင် OER များသည် တစ်ခုနှင့်တစ်ခု ခွဲခြား၍မရအောင် ရောစပ်ထားစေကာမူ သင်အသုံးပြုထားသော OER တစ်ခုချင်းစီတိုင်းကို အသိအမှတ်ပြုရေး သေချာစေရန်လိုအပ်သည်။ ဥပမာ ဤသင်တန်း တွင် ပေါင်းစပ်ဖန်တီးထားသည့်အကြောင်းအရာ၊ ပစ္စည်းနှင့် သီးခြား ရှိနေသော ရင်းမြစ်များ (ဥပမာ ရုပ်ပုံများ) နှစ်မျိုးစလုံးပါဝင်ပါသည်။ ဤသင် တန်း၏ စာပေနှင့်အနုပညာမူပိုင်ခွင့်နှင့် အသိအမှတ်ပြုကျေးဇူးတင်လွှာ စာမျက်နှာများတွင် ဤသင် တန်း၌ပါဝင်သော OER အားလုံးနှင့် သက်ဆိုင်သည့် အချက်အလက်များနှင့် ဤသင်တန်းသည် ပေါင်းစပ်ဖန်တီးထားမှုတစ်ခုဖြစ်ကြောင်း ဝန်ခံချက်တစ်ခုကို မြင်တွေ့ရမည်ဖြစ်သည်။ သင်ဖန်တီးထားသော ပေါင်းစပ်ဖန်တီးမှုတစ်ခုကို အသိအမှတ်ပြု ဖော်ပြသည့်အခါ အလားတူ ဖော်ပြချက်တစ်ခုကို အသုံးပြုနိုင်သည်။ အောက်ပါဥပမာတွင် မြင်တွေ့ရသည့်အတိုင်း ထိုဖော်ပြချက်တွင် သင် တန်းအတွင်း အသုံးပြုထားသော OER တစ်ခုချင်း ၏ပါဝင်မှုကို ဖော်ပြရန် 'အခြားနည်းဖြင့် ဖော်ပြထားခြင်းမရှိပါက' ဟူသော မသက်ဆိုင်ကြောင်း ရှင်းလင်းချက် ပါဝင်ပါသည်။