2.3.6 Vikundi vya majadiliano

Kikundi cha majadiliano ndiyo mbinu inayotumika sana katika kueneza elimu ya kiafya. Inahusisha mtiririko huru wa mawasiliano kati ya mwelekezi na washiriki wawili au zaidi (Picha 2.6).

View larger image
Picha 2.6 Vikundi vya majadiliano hutoa fursa ya watu kubadilishana waliyoyapitia.

Manufaa ya vikundi vya majadiliano kama mbinu ya kuendeleza afya ni kuwa;

  • Huhimiza ushiriki sawa wa wanakikundi wote
  • Huongeza motisha ya kutekeleza ujumbe wa elimu ya kiafya
  • Husaidia wahusika kuelewa maarifa, mawazo mapya na ujuzi
  • Hutoa fursa saidizi ya kujifunza na kubadilishana matukio
  • Huendeleza kufikiria kwa pamoja ili kutambua na kutatua matatizo kwa kuleta pamoja maoni na ujuzi.

Vikundi vya majadiliano husaidia sana kama mbinu ya kueneza elimu ya afya ikiwa vina lengo sawa, mpango wa pamoja na utekelezaji wa hatua zitakazojitokeza. Jedwali 2.1 linakupa njia zifaazo za kuelekeza majadiliano ya kikundi.

Jedwali 2.1 Hatua za vikundi vya majadiliano bora

  1. Matokeo bora hutimizwa ikiwa kikundi ni kidogo. Ikiwa kikundi ni kikubwa sana, kiwango cha kushiriki kwa kila mtu kitakuwa chini. Ratibu kikundi ili kuwezesha kushiriki kamili kwa wanakikundi wote.
  2. Anza mawasilisho yako na mwazo dhahiri, utangulizi, malengo ya jumla na yale maalumu, na masuala fulani muhimu ya kujadiliwa ili kuendesha mazungumzo.
  3. Hakikisha kuwa majadiliano yana maana. Yaani, masuala yanayojadiliwa ni husika na dhahiri, watu hawakatizani katika maongezi na wanajadili tu mada waliyoafikiana.
  4. Ufaafu wa vikundi vya majadiliano unaweza kuimarishwa au kudhoofishwa na tofauti zilizoko katika usuli wa washiriki, kwa mfano katika tamadumi zao, mahali wanakoishi, hadhi ya kijamii na ya kiuchumi katika jamii, jinsia na rika. Tofauti hizi zinaweza kuwa na athari zinazofaa au zisizofaa kwa matokeo ya majadiliano. Na kwa hivyo unapaswa kufahamu haya.
  5. Wajibu wako kama mwelekezi ni kuwatia motisha na kuwahimiza washiriki kubadilishana mawazo kwa njia huru na kuafikiana.
  6. Hitimisha majadiliano kwa kufanya muhtasari wa matokeo, kukubaliana juu ya hatua zitakazofuata na kushukuru kila mmoja kwa kushiriki.

2.3.5 Hafla spesheli za jamii

2.3.7 Elimu ya kibinafsi ya afya