2.3.7 Elimu ya kibinafsi ya afya

Elimu ya kibinafsi ya afya hutokea unapobadilishana mawazo na habari na mtu mwingine. Ni yenye nguvu sana kuliko mbinu nyingine yoyote ya mawasiliano. Itakusaidia kuleta uelewano baina yako na huyo mwingine na muweze kujuana vyema. Huendeleza uwazi baina ya washiriki na kuwawezesha kupokezana mawazo na kupata majibu mara moja. Pia hutoa fursa ya kujadili matatizo nyeti na yanayohitaji kushugulikiwa kimaalumu, jinsi ilivyo mara nyingi katika ujauzito. Katika mawasiliano ya kibinafsi, ni muhimu kuanza kwa kujenga uhusiano bora. Jedwali 2.2 linakupa njia za kukusaidia kufanya haya.

Jedwali 2.2 Hatua za mawasiliano yafaayo ya kibinafsi

  1. Msalimie huyo mwingine kwa ukunjufu na kwa njia ya kirafiki.
  2. Kisha tengeneza mazingira mazuri ya kusoma kwa kumfanya astarehe na kutulia.
  3. Ujumbe wako unafaa kuwa wazi, rahisi na wa kueleweka ili kuepuka utata wowote.
  4. Tumia vielelezo mwafaka ikiwa vitakusaidia.
  5. Himiza kushiriki kwake kwa kumsihi awasilishe maoni yake juu ya mada hiyo, atoe masuala na kuuliza maswali.
  6. Fanya muhtasari wa ujumbe mwishoni mwa hipindi, kisha umkaribishe huyo mwingine ili aseme ikiwa ana maoni yoyote zaidi au maswali.

2.3.6 Vikundi vya majadiliano

2.4 Kupanga hafla ya elimu ya afya