Maswali ya kujitathmini ya Kipindi cha 2 cha somo

Kwa kuwa umekamilisha somo hili, unaweza kutathmini ni kwa kiwango kipi umetimiza malengo ya mafundisho haya kwa kujibu maswali haya. Andika majibu yako katika shajara ya masomo na uyajadili na mkufunzi wako katika mkutano ufuatao wa masoma ya kusaidiana. Unaweza kulinganisha majibu yako na muhtasari juu ya maswali ya kujitathmini mwishoni mwa moduli hii.

Maswali ya kujitathmini 2.1 (hutathmini malengo ya mafundisho 2.1)

Toa mfano mmoja wa:

  • a.Shughuli iliyoratibiwa ya uchunguzi wa kiafya inayoendeleza utunzaji katika ujauzito.
  • b.Shughuli iliyoratibiwa ya kuzuia ugonjwa inayoendeleza utunzaji katika ujauzito.

Answer

  • a.Huenda umependekeza shughuli zilizoratibiwa za uchunguzi wa kiafya kama vile kupima kiwango cha joto, mpwito wa ateri, shinikizo la damu au mkojo ili kubaini ikiwa una sukari ( Utajifunza jinsi ya kufanya haya yote katika vikao vya somo vya baadaye katika Moduli hii)
  • b.Huenda umependekeza kuwapa wanawake wajawazito tembe za elementi ya chuma ili kuzuia anemia au kuwapa neti za mbu zilizotibiwa ili kuzuia malaria. Kuna mifano minginemingi mizuri.

Mwisho wa jibu

Maswali ya kujitathmini 2.2 (hutathmini malengo ya mafundisho 1.2)

Taja faida kuu za kuendeleza utumiaji wa huduma za utunzaji katika ujauzito katika jamii yako.

Answer

Uendelezaji wa utunzaji katika ujauzito husaidia jamii kwa sababu:

  • Huhamasisha jamii nzima kuhusu huduma za afya zinazotolewa kwa wanawake katika ujauzito, wakati wa uchungu wa kuzaa, kuzaa na kipindi baada ya kuzaa.
  • Huwawezesha wanawake wajawazito na wenzi wao wa kiume kufanya uamuzi bora kuhusu utumiaji wa huduma hizi.
  • Huimarisha afya na ustawi wa wanawake wajawazito na kupunguza vifo vya kina mama kabla, katika na muda mfupi baada ya kuzaa na vya watoto wazawa na matatizo.

Mwisho wa jibu

Maswali ya kujitathmini 2.3 (hutathmini malengo ya mafundisho 2.3 na 2.4)

Kisia kwamba una kikundi cha wanawake wajawazito katika eneo lako wanaotaka kujua kuhusu mahali pa kwenda kwa kuzaa. Je, ni mbinu ipi ya kuendeleza afya inayoweza kuwa bora katika mfano huu na ni hatua zipi utakazochukua kwa kuanda mpango wa elimu ya kiafya kwa wanawake hawa?

Answer

Majadiliano ya kikundi ndio mbinu bora zaidi katika mfano huu. Hatua unazopaswa kuchukua ni kama ifuatavyo:

  • Andaa maonyesho yako ili yatosheleze mahitaji ya hadhira maalumu, ambayo ni wanawake wajazito.
  • Tabasamu na ujaribu kuangaliana ana kwa ana na kila mtu. Jitambulishe na pia umsihi kila mwanamke ajitambulishe.
  • Anza na yale ambayo wanawake hawa tayari wanajua kuhusu mahali salama kwa kuzaa na uendeleze au uongezee wasiyoyajua, kwa mfano waeleze kuhusu dalili za hatari zinazoashiria kuwa wanapaswa kuzalia katika kituo cha afya.
  • Lenga kinachowezwa kufanywa na kutimizwa kwa muda uliopo.
  • Wahimize wanawake hao watoe maoni yao kwa uhuru. Wahimize wale wanawake ambao hunyamaza waweze kutoa mawazo yao. Husisha kila mmoja katika mawasiliano haya. Sikiliza kwa umaakini watakachosema.
  • Mwishoni mwa mkutano, fanya muhtasari wa hoja zilizojadiliwa pamojana maafikiano yoyote yale na hatimaye ufunge mkutano. Jaribu kuhakikisha kuwa maswali yote yaliyosalia yamejibiwa kisha umshukuru kila mmoja kwa kuhudhuria.

Mwisho wa jibu

Muhtasari wa Kipindi cha 2 cha somo