10 Crynodeb o’r cwrs

Ar ddechrau’r cwrs hwn fe wnaethom ofyn i chi feddwl am ffyrdd eich sefydliad o weithio ac ystyried a yw:

Yn y fideo isod mae Sophie Howe, Comisiynydd Cenedlaethau’r Dyfodol Cymru, yn rhannu ei barn am ran SAU wrth ddiogelu cenedlaethau’r dyfodol

Download this video clip.Video player: hyb_1_2022_sept135_heis_role_in_the_future_compressed.mp4

Dangos y trawsgrifiad | Cuddio'r trawsgrifiad

Transcript

SOPHIE HOWE

Felly mae ein sefydliadau cyhoeddus, ein llywodraeth, ein hawdurdodau lleol, ein byrddau iechyd, yn wynebu nifer anferth o heriau. Maen nhw’n ceisio ymdrin â’r problemau fel y maent yn codi, yr argyfwng costau byw, costau cynyddol gofal, yr angen i drosi i economi carbon isel. Ac nid ydynt yn mynd i allu gwneud y pethau yma heb help, cyngor, a chefnogaeth gan ein sefydliadau academaidd, sydd â llawer iawn o wybodaeth a llawer iawn o flaengaredd a llawer iawn o atebion i rai o’r heriau yma yr ydym yn eu hwynebu.

Felly byddai Cymru effeithiol iawn yn un lle mae ein sefydliadau cyhoeddus yn dod at ei gilydd gyda’n sefydliadau academaidd i ddod o hyd i atebion i rai o’r heriau cymdeithasol mawr ar y cyd.

End transcript

Lawrlwytho

 

Rhowch amser i fyfyrio am yr hyn yr ydych wedi ei ddysgu am sut y mae sefydliadau yn gweithredu’n awr, yr ystyriaethau wrth gynllunio ac addasu mewn cyfnod ansicr, effaith y trawsnewidiad digidol, a phwysigrwydd ymwreiddio arferion gwaith cynaliadwy, yn ogystal â chyflawni saith nod llesiant Deddf Llesiant Cenedlaethau’r Dyfodol (Cymru) 2015 a thargedau sero net.

Ym mha feysydd ydych chi’n teimlo y mae eich sefydliad yn gwneud yn dda, a bell all fod angen ei wella?

Wrth i’ch sefydliad esblygu i lwyddo a diogelu llesiant cenedlaethau’r dyfodol, daliwch ati i ddatblygu eich sgiliau a’ch dealltwriaeth eich hun o ffyrdd hybrid o weithio i SAU, a meddwl sut y gallwch ddefnyddio’r fframwaith cyd-destunol i’ch cynorthwyo yn y tymor hir.

Maximise

Ffigwr 1 (yn cael ei ailadrodd): Ffyrdd hybrid o weithio: fframwaith cynaliadwyedd cyd-destunol

Dangos disgrifiad|Cuddio disgrifiad

Delwedd yn dangos tri chylch consentrig o gwmpas cylch canolog yn cynnwys y gair ‘CHI’. Yn y cyntaf o’r cylchoedd allanol (wedi’i labelu 1), mae saethau yn pwyntio am allan o’r cylch canol at y geiriau Tîm(au), Sefydliad, Unigolion, Cymuned, a Myfyrwyr, sydd wedi eu gosod o gwmpas y cylch. Mae gan bob un o’r termau hyn saethau deuben sy’n eu cysylltu â’i gilydd. Mae’r cylch nesaf allan (wedi ei labelu 2) yn amgylchynu’r cyntaf ac yn cynnwys y termau Trawsnewid Digidol, Pobl, Lleoliadau, Cynaliadwyedd, Gwerthoedd a Diwylliant, a Cydymffurfiaeth. Mae’r rhain wedi eu gosod gyda bylchau cyfartal rhyngddynt o gwmpas yr ail gylch ac mae saethau deuben rhwng pob term. Yn y cylch allanol (wedi’i labelu 3) mae’r geiriau Hirdymor, Atal, Integreiddio, Cynnwys a Cydweithio wedi eu gosod â bylchau cyfartal rhyngddynt o gwmpas y cylch gyda saethau deuben yn cysylltu pob term.Wrth ochr pob term mae eicon i’w gynrychioli. Mae’r geiriau a’r cylchoedd yn dangos y cyd-gysylltiad rhwng rhanddeiliad, anghenion y sefydliad a ffyrdd o weithio.

Ffigwr 1 (yn cael ei ailadrodd): Ffyrdd hybrid o weithio: fframwaith cynaliadwyedd cyd-destunol

1. Dylech chi a’ch ffyrdd o weithio ystyried y rhanddeiliaid allweddol yn eich amgylchedd a’u hanghenion yng nghyswllt datblygu sefydliadol.
2. Mae arnoch angen deall gofynion sefydliadol, y cyd-destun, cysylltiadau, a’r gofynion ar gyfer meysydd allweddol a sut y mae’r rhain yn gysylltiedig ag anghenion eich rhanddeiliaid.
3. Mae arnoch angen ystyried eich ffordd o weithio er lles cenedlaethau’r dyfodol.

Mae’r cwrs hwn yn rhan o’r casgliad Cefnogi Gweithio Hybrid a Thrawsnewid Digidol [Tip: daliwch Ctrl a chliciwch dolen i'w agor mewn tab newydd. (Cuddio tip)] , efallai yr hoffech ei archwilio ymhellach.