2.3 Amrywiol ddimensiynau llesiant

Cyfeiriodd 2.1 at y dimensiynau llesiant mae Swyddfa Ystadegau Gwladol y DU yn eu defnyddio i fesur llesiant pobl ifanc, sef:

• personol
• perthynol
• seiliedig ar iechyd
• galwedigaethol
• amgylcheddol
• ariannol
• addysgol/seiliedig ar sgiliau.

Os ewch ati i ymchwilio i ddimensiynau llesiant (y cyfeirir ato hefyd fel 'lles' ar adegau), byddwch yn gweld categorïau eraill sy'n amrywio o bum elfen (sy'n nodweddiadol ynghlwm wrth fodel PERMA a ddisgrifir yn yr adran flaenorol) i wyth elfen. Ymddengys mai wyth yw'r cyfuniad mwyaf cyffredin, ac mae'n cynnwys y mathau o lesiant sydd wedi'u nodi yn Ffigwr 3.

Maximise

Ffigwr 3 Dimensiynau llesiant.

Dangos disgrifiad|Cuddio disgrifiad

Diagram yn cynnwys tri chylch consentrig. Mae'r cylch mewnol yn cynnwys y geiriau 'Llesiant yn y Gweithle'. Mae'r cylch canol yn cynnwys y geiriau 'Fi Fy Hun', 'Fy Sefydliad', 'Fy Nhîm' a 'Fy Ngwaith'. Mae'r cylch allanol yn rhestru wyth math gwahanol o lesiant, mae gan bob un ohonynt eicon cylchol yn cynrychioli hynny. Dyma'r mathau: Llesiant emosiynol/meddyliol, Llesiant amgylcheddol, Llesiant ariannol, Llesiant deallusol, Llesiant galwedigaethol, Llesiant corfforaethol, Llesiant cymdeithasol, a Llesiant ysbrydol.

Ffigwr 3 Dimensiynau llesiant.

Mae'r cwrs hwn yn ystyried y tirlun digidol ar ôl COVID-19 a'r ffyrdd hybrid o weithio sydd wedi'u hamlygu mewn ymateb i'r pandemig, felly bydd llawer ohono yn canolbwyntio ar ffactorau sy'n ymwneud â llesiant galwedigaethol (yn y gwaith). Wedi dweud hynny, mae ein llesiant galwedigaethol yn cael ei effeithio'n enfawr gan eich iechyd meddwl a chorfforol. Yn ogystal, mae'n anodd gwahanu'n llwyr yr hyn sy'n digwydd yn ystod oriau gwaith rhag pob agwedd arall ar eich llesiant, felly mae'n anochel y bydd y cwrs yn trafod sawl un o'r dimensiynau eraill sydd wedi'u rhestru uchod, i raddau mwy neu lai.