5.8 Agweddau cadarnhaol a negyddol ar lesiant gwaith digidol

Mae'r adran hon o'r cwrs yn dod i ben gyda ffeithlun arall gan Jisc, yn crynhoi nodweddion cadarnhaol a negyddol llesiant cymdeithasol digidol y tro hwn. Noder bod sawl un o'r pwyntiau hyn yn berthnasol yn ehangach i bob math o weithio hybrid, ac nid yn benodol i weithio digidol.

Maximise

Ffigwr 10 Llesiant cymdeithasol digidol.

Dangos disgrifiad|Cuddio disgrifiad

Mae'r ffeithlun yn dwyn yr enw 'Llesiant gwaith digidol'. Yna, mae wedi'i rannu'n ddwy golofn, yn nodi 'agweddau cadarnhaol' ac 'agweddau negyddol'. Dyma'r ffactorau cadarnhaol: atal unigedd; magu a chynnal perthnasoedd; lleihau unigrwydd; cyfranogiad a chysylltiad llawn â theulu; ffrindiau a chymunedau ehangach; mwy o gyfleoedd i gymryd rhan (e.e. pobl anabl). Dyma'r ffactorau negyddol: seiberfwlio; meithrin perthynas amhriodol ar-lein (e.e. rhyw, radicaleiddio); gwaharddiad a/neu hygyrchedd (e.e. rhywedd, oedran, tlodi).

Ffigwr 10 Llesiant cymdeithasol digidol.

Fel y gwelwch o'r ffigwr, mae Jisc yn pwysleisio mwy o gyfleoedd i gymryd rhan fel un o'r agweddau cadarnhaol ar lesiant cymdeithasol digidol – a gwaharddiad a hygyrchedd yn agweddau negyddol. Mae adran nesaf y cwrs yn archwilio'r pynciau hyn.